ماڭعىستاۋ وبلىسىنىڭ «اتامەكەن» كاسىپكەرلەر پالاتاسىندا قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتى مەن «نۇر وتان» پارتياسى ماڭعىستاۋ وبلىستىق فيليالىنىڭ ۇيىمداستىرۋىمەن پارلامەنت ماجىلىسىنىڭ دەپۋتاتتارى زاۋرەش امانجولوۆا, سماعۇل باحىتبەك, گەننادي شيپوۆسكيح, شاۆكات وتەمىسوۆ, شايماردان نۇرىموۆ جانە ءۋاليحان قاينازاروۆ ادەپ جونىندەگى كەڭەس مۇشەلەرى, ادەپ جونىندەگى ۋاكىلدەر, ارنايى مونيتورينگ توبى وكىلدەرى جانە مەملەكەتتىك قىزمەتشىلەرمەن كەزدەستى.
اۋماقتىق دەپارتامەنت باسشىسى ن.جاننازاروۆا ەلباسىنىڭ جولداۋى اياسىنداعى سىبايلاس جەمقورلىققا قارسى ءىس-قيمىل بويىنشا اگەنتتىكتىڭ اۋماقتىق دەپارتامەنتى تاراپىنان اتقارىلىپ جاتقان جۇمىستارعا توقتالدى. اسىرەسە, سىبايلاس جەمقورلىققا قارسى ءىس-قيمىل تۋرالى ۇلتتىق بايانداما جوباسىنا, تۇرعىندارمەن كەرى بايلانىس مەحانيزمدەرىن جەتىلدىرۋ, مەملەكەتتىك قىزمەتشىلەردىڭ ادەپ ەرەجەلەرىن ساقتاۋىنىڭ ماڭىزدىلىعى جانە مەملەكەتتىك كورسەتىلەتىن قىزمەتتەر ساپاسى مەن سىبايلاس جەمقورلىق پروفيلاكتيكاسى باعىتىندا اتقارىلىپ جاتقان جۇمىستارعا توقتالدى.
اگەنتتىكپەن قىزۋ قولعا الىنعان ماڭىزدى جوبالاردىڭ ءبىرى, وڭىرىمىزدە بىلتىردان بەرى جۇزەگە اسىرىلىپ كەلە جاتقان «Protecting business and investments» جوباسىنىڭ 2018 جىلدىڭ ناتيجەلەرى, شەتەلدىك جانە وتاندىق كومپانيالارىڭ سىبايلاس جەمقورلىققا قارسى سۇيەمەلدەۋدىڭ بارىسى جانە كاسىپكەرلەردەن كەلىپ تۇسكەن وتىنىشتەر مەن وڭ شەشىمىن تاپقان ماسەلەلەر تۋرالى جوبالىق كەڭسەنىڭ جاۋاپتى مامانى, دەپارتامەنتتىڭ سىبايلاس جەمقورلىق پروفيلاكتيكاسى باسقارماسىنىڭ باس مامانى ەربول جۇماباي باياندادى.
ءماجىلىس دەپۋتاتى زاۋرەش امانجولوۆا دەپۋتاتتار توبىنىڭ ماڭعىستاۋ وڭىرىنە ءىس-ساپارىنىڭ ماقساتى مەن مىندەتتەرىن ءتۇسىندىرىپ ءوتتى. دەپۋتات حالىقپەن كەزدەسۋدە, اگەنتتىكتەن جانە ونىڭ اۋماقتىق دەپارتامەنتتەرى تاراپىنان, ادەپ جونىندەگى كەڭەس مۇشەلەرىنەن زاڭ جوباسى اياسىندا ۇسىنىس-پىكىرلەر كۇتەتىندەرىن ايتتى.
جيىندا ءسوز العان 1991-1993 جىلداردا قر جوعارعى كەڭەسى توراعاسىنىڭ ورىنباسارى بولعان, قر پارلامەنتى ءماجىلىسىنىڭ ەكس-دەپۋتاتى (1997-2004 جىلدارى), مەملەكەتتىك قىزمەت ارداگەرى, ادەپ جونىندەگى كەڭەسىنىڭ مۇشەسى قايروللا ەرەجەپوۆ قولدانىستاعى مەملەكەتتىك ساتىپ الۋ تۋرالى زاڭناماعا تۇرعىنداردان تۇسكەن ۇسىنىستاردى نازاردان تىس قالدىرماي باسشىلىققا الۋ قاجەتتىگى تۋرالى پىكىرىن ءبىلدىردى.
ءماجىلىس دەپۋتاتى ءۋاليحان قاينازاروۆ قازىرگى قولدانىستاعى مەملەكەتتىك ساتىپ الۋلار تۋرالى زاڭناماداعى وزگەرىستەرگە توقتالىپ, ول زاڭدى قابىلداۋ بارىسىنداعى اتقارىلعان جۇمىستار تۋرالى توقتالىپ ءوتتى.
سونداي-اق جينالعاندار مەملەكەت باسشىسىنا ەنگىزىلەتىن قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل تۋرالى ۇلتتىق بايانداما جوباسىنىڭ قازاقستانداعى سىبايلاس جەمقورلىققا قارسى ساياساتىنىڭ وزەكتى ستراتەگيالىق ماقساتتارى مەن مىندەتتەرى, ەلىمىزدىڭ الەۋمەتتىك-ەكونوميكالىق دامۋىنا ىقپالى جانە سىبايلاس جەمقورلىققا قارسى ءىس-قيمىل سالاسىنداعى زاڭنامانى جەتىلدىرۋى تۋرالى نەگىزگى باعىتتارىمەن تانىسىپ, وي تالقىسىنا سالدى. حالىق قالاۋلىلارى بولسا ءوز كەزەگىندە ماڭعىستاۋلىقتاردى ەلباسى جولداۋىنداعى سىبايلاس جەمقورلىققا قارسى ءىس-قيمىل باعىتىنداعى باسىمدىقتاردى جۇزەگە اسىرۋعا قوعامنىڭ بارلىق الەۋمەتتىك توپتارىمەن بىرلەسىپ جۇمىس ىستەۋگە شاقىردى.
گۇلايىم شىنتەمىرقىزى,
«Egemen Qazaqstan»
ماڭعىستاۋ وبلىسى