دەنساۋلىق ساقتاۋ ۆيتسە-ءمينيسترى ا. تسوي ۇكىمەت وتىرىسىندا ەلدەگى قىزىلشا اۋرۋىنا شالدىققاندار تۋرالى ايتتى.
«قازىرگى تاڭدا بىزدە 1 876 راستالعان قىزىلشا جاعدايى تىركەلگەن, ولاردىڭ ىشىندە 14 جاسقا دەيىنگى بالالار سانى - 1 426, ياعني 76% قۇرايدى. اۋرۋشاڭدىق نەگىزىنەن ەكپە ەگىلمەگەن بالالار اراسىندا تىركەلەدى, بۇل بارلىق جاعدايدىڭ 64%-ىن قۇرايدى. وعان ءار ءتۇرلى سەبەپتەر بار: ەگۋ جاسىنا جەتپەۋ, مەديتسينالىق قارسى كورسەتىلىمدەردىڭ بولۋى, ۆاكتسيناتسيادان باس تارتۋ», - دەيدى الەكسەي تسوي.
قازىر 105 ناۋقاس ەم الۋدا, قازاقستان بويىنشا 1 771 ناۋقاس قاجەتتى ەمدى اياقتادى.
«قازىرگى ۋاقىتتا بىزدە قىزىلشامەن شەكتىك دەڭگەيگە جەتكەن جوق, بىراق بارلىق الدىن الۋ شارالارىن جۇزەگە اسىرۋدامىز. وتكەن جىلمەن سالىستىرعاندا ءوسىم جوعارى»,- دەيدى الەكسەي تسوي.
ول سونداي-اق حالىقتىڭ قانداي توبىن قوسىمشا يممۋنيتەتتەرمەن قامتۋ جوسپارلانعانىن اتاپ ءوتتى.
«ياعني ءبىز بۇرىن قامتىلماعان توپتاردى قامتىعىمىز كەلەدى. 90-شى جىلدارى بىزدە جەتكىزۋمەن دە, ۆاكتسيناتسيالاۋمەن دە, سول كەزدە وسى ۆاكتسينالارعا قوسىمشا ەگىلۋ حالىق ءۇشىن دە ءساتسىز بولدى. قازىرگى تاڭدا ءبىزدىڭ بالالار ددۇ ۇسىنىسى بويىنشا ۆاكتسيناتسيالانادى. 2015 جىلدان بەرى بالالاردى 9 ايىنان باستاپ ۆاكتسيناتسيالاۋدى پراكتيكامىزعا ەنگىزدىك, ياعني 9 ايعا دەيىن ۆاكتسيناتسيا ءتيىمسىز, سەبەبى يممۋنيتەت بالانىڭ اناسىنان الىنۋى ءتيىس. تيىسىنشە, ءبىز قازىر جوعارى جاس توپتارىنا ۆاكتسيناتسيا جاساۋدى جوسپارلاپ وتىرمىز, اسىرەسە بالا تۋاتىن جاستاعى ايەلدەر مەن 40 جاسقا دەيىنگى ەر ازاماتتار. ياعني, وزدەرىنىڭ يممۋنيتەتتەرىن كوتەرۋ ارقىلى ءوز بالالارىنا دا جەتكىزۋ جانە وزدەرىن قورعاۋ» , - دەپ ءتۇسىندىردى الەكسەي تسوي.
ۇلمەكەن ادايحان