• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
ۇكىمەت 05 اقپان, 2019

«جاس مامان» جوباسىنا قاتىساتىن ستۋدەنتتەر سانىن جىلىنا 50 مىڭ ادامعا دەيىن جەتكىزەمىز - ءبىلىم جانە عىلىم ءمينيسترى

703 رەت
كورسەتىلدى

3 جىل ىشىندە «جاس مامان» جوباسىنا قاتىساتىن ستۋدەنتتەر سانىن جىلىنا 50 مىڭ ادامعا دەيىن جەتكىزۋ جوسپارلانىپ وتىر. بۇل تۋرالى ۇكىمەت ءوتىرىسىندا بىلىم جانە عىلىم ءمينيسترى ەرلان ساعاديەۆ ايتتى. 

قازىرگى كەزدە جوباعا قاتىساتىن ستۋدەنتتەرگە كەلەسى الەۋمەتتىك قىزمەت تۇرلەرى قارالعان:

1. ينكليۋزيۆتى ءبىلىم بەرۋ, مۇگەدەك بالالارعا كومەك كورسەتۋ.

2. رەپەتيتورلىق – قازاق ءتىلى, اعىلشىن ءتىلى, ورىس ءتىلى, كومپيۋتەرلىك ساۋاتتىلىق جانە تاعى باسقا.

3. دەۆيانتتى مىنەز-ق ۇلىقتى كامەلەت جاسقا تولماعان بالالارمەن جۇمىس.

4. اۋلا جانە سپورت كلۋبتارىن ۇيىمداستىرۋ.

5. قارت ادامدارمەن الەۋمەتتىك جۇمىس.

ء«بىز وسى جۇمىستارعا ورتاق ونلاين پلاتفورما قۇرۋدى جوسپارلاپ وتىرمىز. وعان قاتىساتىن ستۋدەنتتەر مەن ستۋدەنتتەردى تارتاتىن ۇيىمدار تىركەلەتىن بولادى.

ستۋدەنتتەرگە 2 جانە 5 اكادەميالىق كرەديتكە ارنالعان, 1 سەمەستردە 20 جانە 50 ساعات 2 ءتۇرلى ۆاۋچەر ۇسىنىلاتىن بولادى, سونىمەن قاتار, ءاربىر ساعاتقا ءبىر مىڭ تەڭگە اقشا تولەنىپ, سول كرەديتتەردى ۋنيۆەرسيتەت, كوللەدج سىناق رەتىندە قابىلدايدى» دەدى مينيستر.

الەۋمەتتىك ستۋدەنتتىك جۇمىستار بالالار ۇيىندە, ارنايى مەكتەپتەردە, جاستارعا قىزمەت كورسەتۋ ورتالىقتارىندا, وقۋشىلار سارايىندا, قارتتار ۇيىندە, ەمحانالاردا, جوعارى وقۋ ورىندارىندا, مەكتەپتەردە, كوللەدجدەردە جۇزەگە اساتىن بولادى.

جوبا وپەراتورى – مينيسترلىككە قاراستى «قارجى ورتالىعى» اق.

ء«بىز ءبىلىم بەرۋ سالاسىنداعى جاڭالىقتار بويىنشا, ونىڭ ىشىندە جوعارىدا اتالعان 2 جوبا بويىنشا حالىق اراسىندا اقپاراتتىق-ءتۇسىندىرۋ جۇمىستارىن جۇرگىزەمىز. قازىردىڭ وزىندە پەداگوگتەرمەن جانە اتا-انالارمەن تىكەلەي بايلانىس جاساۋ ءۇشىن تانىمال مەسسەندجەر ارقىلى كوممۋنيكاتسيا جۇيەسى قۇرىلدى. بۇگىنگى تاڭدا بۇل رەسۋرسپەن 3 ملن-نان استام ادام قامتىلدى» دەدى ەرلان ساعاديەۆ.

سونىمەن قاتار, مينيستر جۇزدەن استام توك-شوۋ, بەينەروليكتەر جانە پيار ءىس-شارالار ۇيىمداستىرىلىپ جاتقانىن, وسى باعىت بويىنشا جۇمىستار جالعاسا بەرەتىنىن جەتكىزدى.

سوڭعى جاڭالىقتار