الماتىدا قازىرگى بەسسايىستان ەلىمىزدىڭ بىرنەشە بەلدى سپورتشىلارىنىڭ باسىن قوسقان قازاقستاننىڭ اشىق قىسقى چەمپيوناتى اياقتالدى.
ەرلەر سايىسىندا ۆلاديسلاۆ سۋحارەۆتىڭ باعى جاندى. استانالىق سپورتشى 1480 ۇپاي جيىپ, باس جۇلدەنى ولجالادى. جالپى ول بەسسايىستىڭ سەمسەرلەسۋدەن باسقا ءتورت تۇرىنەن توپ جاردى. كۇمىس مەدالدى جەڭىمپازدىڭ كوماندالىق ارىپتەسى ۆلاديسلاۆ ميششەنكو يەلەندى. ول 1440 ۇپايدى قورجىنعا سالدى. قولا جۇلدە ارتەم دروبوتۆقا بۇيىردى. الماتىنىڭ وكىلى 1377 ۇپايدى ەنشىلەدى.
ايەلدەر اراسىندا الماتىنىڭ ارۋلارى الدارىنا جان سالمادى. فاريزا ورىنبەكوۆا التىننان القا تاعىندى. ول 1293 ۇپايدى ولجالادى. ەكىنشى جانە ءۇشىنشى ورىنداردى ارداق اقيدوللاەۆ (1261) پەن سۋلاميف انانەۆا (1246) يەلەندى.
قازاقستاننىڭ بەسسايىسشىلارى ەندى 27 اقپان مەن 3 ناۋرىز ارالىعىندا ەگيپەتتىڭ باس شاھارى – كاير قالاسىندا وتەتىن الەم كۋبوگىنىڭ كەزەڭدىك سايىسىنا قاتىسادى.
عالىم سۇلەيمەن,
«Egemen Qazaqstan»
الماتى