بۇگىن ۇكىمەت وتىرىسىندا ەڭبەك جانە حالىقتى الەۋمەتتىك قورعاۋ ۆيتسە-ءمينيسترى سۆەتلانا جاقىپوۆا جۇمىسشىلاردىڭ ەڭبەك قۇقىقتارىن ساقتاۋ, جالاقى بويىنشا بەرەشەكتەردى وتەۋ ماسەلەلەرىنە توقتالدى.
ونىڭ سوزىنە سۇيەنسەك, ەڭبەك قاتىناستارىن رەتتەۋدىڭ بارلىق باعىتتارى بويىنشا قاتەرلەردى انىقتاۋ جۇمىسى جۇرگىزىلىپ جاتىر.
«وڭىرلەردە پروكۋراتۋرا, مەملەكەتتىك كىرىستەر جانە ادىلەت ورگاندارىنىڭ قاتىسۋىمەن ارنايى شتابتار جۇمىس ىستەيدى. قابىلدانعان شارالاردىڭ ناتيجەسىندە 2018 جىلى 32 مىڭ جۇمىسكەردىڭ الدىندا 3,7 ملرد. تەڭگە سوماسىندا جالاقى بەرەشەگى تولەندى», دەدى س.جاقىپوۆا.
ۆيتسە-مينيستر كەلتىرگەن مالىمەتكە سۇيەنسەك, 2019 جىلعى 23 قاڭتارعا دەيىن 139 كاسىپورىندا 6,3 مىڭ جۇمىسكەردىڭ الدىنداعى بەرەشەك 1,8 ملرد. تەڭگەنى قۇراعان.
«2018 جىلى مەملەكەتتىك ەڭبەك ينسپەكتورلارى 8 774 تەكسەرۋ جۇرگىزدى, ونىڭ بارىسىندا 11 976 بۇزۋشىلىق انىقتالدى. جۇمىس بەرۋشىلەرگە 5 ۇيعارىم بەرىلدى جانە 402,5 ملن. تەڭگە سوماسىنا 2 492 ايىپپۇل سالىندى», دەدى س.جاقىپوۆا.
نەگىزگى بۇزۋشىلىقتار قاتارىندا جالاقىنى ۋاقىتىندا تولەمەۋ (20%), قاۋىپسىز ەڭبەك جاعدايلارىن قامتاماسىز ەتپەۋ (20%), جۇمىسقا زاڭسىز تارتۋ جانە جۇمىستان زاڭسىز بوساتۋ (14%) بار.
ال شەتەلدىڭ قاتىسۋى بار كاسىپورىندارداعى جاعداي باقىلاۋعا الىنىپ, ولارعا قاتىستى 38,9 ملن. تەڭگەگە 124 ايىپپۇل سالىندى.
«مەملەكەتتىك ينسپەكتورلار ەڭبەكتى قورعاۋ تالاپتارىن بۇزۋ فاكتىلەرى بويىنشا قۇقىق قورعاۋ ورگاندارىنا 1 400 ماتەريال جىبەرى. بۇل بويىنشا 98 قىلمىستىق ءىس قوزعالدى», دەدى ۆيتسە-مينيستر.
جۇمىسكەرلەردىڭ ەڭبەك جاعدايىن پروفيلاكتيكالىق باقىلاۋ ناتيجەسىندە 2018 جىلى وندىرىستىك جاراقاتتانۋ دەڭگەيى 6,6% تومەندەگەن.
سونىمەن قاتار ۆيتسە-مينيستر قامسىزداندىرۋ, الەۋمەتتىك جانە مەديتسينالىق ساقتاندىرۋ جۇيەلەرىنە تارتۋ ءۇشىن ازاماتتاردىڭ ستاتۋسىن ناقتىلاۋ جانە فورماليزاتسيالاۋ جونىندەگى جول كارتالارىن ىسكە اسىرۋ ماسەلەلەرىنە توقتالدى.
«2019 جىلعى 21 قاڭتارداعى جاعداي بويىنشا مەملەكەتتىك دەرەكقورلاردا ستاتۋسى بولماعان 2,7 ملن. ادامنىڭ ىشىنەن 1,8 ملن. ادامنىڭ ستاتۋسى ناقتىلاندى. فورماليزاتسيالاۋ جۇمىسىن بەلسەندى تۇردە جۇرگىزۋ ءۇشىن وڭىرلەرگە قالعان نىسانالى توپتار بويىنشا تولىق جوسپارلار جىبەرىلدى. جىل سوڭىنا دەيىن 915,6 مىڭ ازاماتتىڭ ستاتۋسىن ناقتىلاۋ جۇمىسىن اياقتاۋ جوسپارلانعان», دەدى س.جاقىپوۆا.
سونداي-اق 2019 جىلدان باستاپ جاڭا قۇقىقتىق رەجيم – بىرىڭعاي جيىنتىق تولەم ەنگىزىلگەنىن جەتكىزدى. مۇنداي قاادم بەيرەسمي جۇمىسپەن قامتىلعان ازاماتتارعا جانە فريلانسەرلەرگە كاسىپكەرلىك قىزمەتىن جەڭىلدەتىلگەن تارتىپپەن تىركەۋگە جانە الەۋمەتتىك كەپىلدىكتەرگە قول جەتكىزۋگە مۇمكىندىك بەرەدى. دەرەكتەرگە سۇيەنسەك, 2019 جىلعى 1 اقپانداعى جاعداي بويىنشا 4 مىڭنان استام ازامات بىرىڭعاي جيىنتىق تولەم جۇرگىزگەن.