اقتوبە اكىمدىگى شەتەلدە تۇراتىن قالا ازاماتتارىنا ارنالعان حالىقارالىق كونكۋرس وتكىزەدى

سونداي ماڭىزدى وقيعالاردىڭ ءبىرى رەتىندە اقتوبە قالاسىندا تۋعان جانە قازىرگى ۋاقىتتا شەت ەلدەردە تۇرىپ جاتقان ازاماتتاردى باعالى سىيلىقتار كۇتىپ تۇرعانىن ايتۋعا بولادى. ولار ءۇشىن قالا اكىمدىگى اقتوبەدەگى ومىرىنە بايلانىستى ۇزدىك حاتتار مەن جازبالار بايقاۋىن ۇيىمداستىرادى.

بۇل شىعارماشىلىق باسەكە 2019 جىلدىڭ قىركۇيەگىنە دەيىن جالعاسادى, سول كەزدە مەرەيتوعا ارنالعان نەگىزگى شارالار وتەدى دەپ كۇتىلۋدە. قالا اكىمدىگى شەتەلدەن كەلگەن بارلىق وتانداسىمىزدى مۇمكىندىگىنشە ءوز تۋعان جەرىنە كەلۋگە جانە مەرەيتويعا بەلسەنە اتسالىسۋعا شاقىرادى.

"قازىرگى ۋاقىتتا ءبىز بۇكىل الەم بويىنشا جەرلەستەرىمىزدى ىزدەستىرۋدەمىز. ەگەر ءسىز ءوزىڭىزدىڭ تۋعان قالاڭىزبەن بايلانىستىراتىن وقيعالاردى, تۋعان قالاڭىزدان جىراقتاعاننان كەيىنگى ءومىرىڭىزدىڭ قالاي ءوربىپ جاتقانىن, قانداي جەتىستىكتەرگە جەتىپ, بيىكتەردى باعىندىرعانىڭىزدى ايتۋعا دايىن بولساڭىز, بىزگە الەۋمەتتىك جەلىلەر ارقىلى جازىڭىز, اقتوبە قالاسى اكىمدىگىنىڭ akimat@akt.gov.kz ەلەكتروندىق پوشتاسىنا حات جولداڭىز نەمەسە 8-7132-41-64-02 تەلەفونى بويىنشا حابارلاسىڭىز.

قالاداعى ومىرىڭىزگە بايلانىستى ەڭ قىزىقتى وقيعالاردىڭ جاريالانىمى ءۇشىن باعالى سىيلىقتار مەن كادەسىيلار ازىرلەنۋدە.  جازىڭىز, قوڭىراۋ شالىڭىز, كەلىڭىز, ءوزىڭىز تۋرالى ايتىڭىز! حاتتارمەن بىرگە فوتوسۋرەتتەر بولۋى مىندەتتى. ءبىز قۋانا-قۋانا كەرى بايلانىسقا شىعامىز جانە ءبىز ءۇشىن جەرلەستەرىمىزبەن كەزدەسىپ, ولاردىڭ ومىرلەرىنىڭ بۇگىنگى كۇنى قالاي ءوتىپ جاتقانى تۋرالى ءبىلۋ – وتە ماڭىزدى", دەپ اتاپ ءوتتى اقتوبە قالاسىنىڭ اكىمى يسپانوۆ يلياس ساپاربەك ۇلى.

ايتا كەتەيىك, قازىرگى تاڭدا اقتوبەنىڭ 150 جىلدىعىنا ارنالعان مونۋمەنت تۇرعىزۋ جۇمىستارى باستالىپ كەتتى. سونىمەن قاتار قالا تاريحى تۋرالى دەرەكتى فيلم تۇسىرۋگە ازىرلىك شارالارى جۇرگىزىلۋدە, بىرقاتار جاڭا الەۋمەتتىك نىساندار مەن وندىرىستەر اشۋ جوسپارلانعان. سونداي-اق, قالا باسشىلىعى حالىقارالىق, رەسپۋبليكالىق جانە وڭىرلىك ماڭىزى بار كوپتەگەن كونكۋرستار, فەستيۆالدار مەن كونتسەرتتەر وتكىزبەك. مەرەيتوي بارىسىندا قازاقستاندىقتار الەمگە تانىمال ءانشى ديماش قۇدايبەرگەننىڭ دە ونەرىن تاماشالايتىن بولادى.