«وڭىرلەردە سۋمەن جابدىقتاۋ جانە سۋ بۇرۋعا بايلانىستى ماسەلەلەردى تالداۋ جانە شەشۋ بويىنشا ۇسىنىستاردى پىسىقتاۋ» تاپسىرماسى بويىنشا وتكەن جىلدان باستاپ اۋىلدى سۋمەن جابدىقتاۋعا بارلىق قارجىلاندىرۋ كوزدەرىنەن جىل سايىن 100 ملرد. تەڭگە بولىنەدى. بۇل تۋرالى يندۋستريا جانە ينفراقۇرىلىمدىق دامۋ ءمينيسترى جەڭىس قاسىمبەك ۇكىمەت وتىرىسىندا مالىمدەدى.
وسىنىڭ ارقاسىندا 84,4% اۋىل تۇرعىندارى ورتالىقتاندىرىلعان سۋمەن قامتاماسىز ەتىلدى. ول شامامەن 6,5 ملن ادام.
«ينفراقۇرىلىمدى دامىتۋ ەكونوميكالىق ءوسىمى بار نەگىزگى جەرلەردە كوزدەلەدى. قازىرگى ۋاقىتتا ەلدى مەكەندەرگە ارنالعان وڭىرلىك ستاندارتتار ازىرلەنىپ جاتىر, ولار جوبالاردى ىسكە اسىرۋىن بارىنشا ءتيىمدى جوسپارلاۋعا مۇمكىندىك بەرەدى» دەدى ج.قاسىمبەك.
ال «تۇرعىن ءۇي قۇرىلىسىندا قازاقستاندىق مازمۇننىڭ ءوسىمىن قامتاماسىز ەتۋ» تاپسىرماسى بويىنشا 2018 جىلدىڭ قورىتىندىسى بويىنشا تۇرعىن-ءۇي قۇرىلىسى جوبالارىنداعى جەرگىلىكتى قامتۋدىڭ ۇلەسى 86 % قۇراعان.
ء«بىز ەلەكتروندىق رەەسترى ىسكە قوستىق. «اتامەكەن» ۇلتتىق كاسىپكەرلەر پالاتاسىمەن بىرگە وتاندىق ءونىمدى قولدانۋىنا باقىلاۋ جۇرگىزەمىز. ءۇش جىلدىڭ ىشىندە تۇرعىن ءۇي قۇرىلىسىندا جەرگىلىكتى قامتۋدى 90 %-عا دەيىن جەتكىزەمىز» دەدى ج.قاسىمبەك.