ۇكىمەت وتىرىسىندا يندۋستريا جانە ينفراقۇرىلىمدىق دامۋ ءمينيسترى جەڭىس قاسىمبەك مەملەكەت باسشىسىنىڭ كەڭەيتىلگەن وتىرىستا «جاستار ءۇشىن قولجەتىمدى تۇرعىن ءۇي قۇرىلىسىن قامتاماسىز ەتۋ ماسەلەسىن پىسىقتاۋ», «اشىق اسپان» تاپسىرمالارىنىڭ ورىندالۋى تۋرالى مالىمدەدى.
ج.قاسىمبەكتىڭ ايتۋىنشا, مينيسترلىك «اشىق اسپان» جوباسى بويىنشا قازاقستان مەن اقش اراسىندا اۋە قاتىناسى تۋرالى ۇكىمەتارالىق كەلىسىم جوباسىن قول قويۋعا ازىرلەدى. قول قويۋ بيىل ناۋرىز ايىنا جوسپارلانعان.
ال «جاستار ءۇشىن قولجەتىمدى تۇرعىن ءۇي قۇرىلىسىن قامتاماسىز ەتۋ ماسەلەسىن پىسىقتاۋ» تاپسىرماسى بويىنشا «جاستار جىلى» جول كارتاسىن ىسكە اسىرۋ ماقساتىندا اعىمداعى جىلى يندۋستريا جانە ينفراقۇرىلىمدىق دامۋ مينيسترلىگى استانا, الماتى جانە شىمكەنت قالالارىندا جۇمىس ىستەيتىن جاستار ءۇشىن 1 مىڭنان كەم ەمەس جالعا بەرىلەتىن پاتەرلەردىڭ قۇرىلىسىن (نەمەسە ساتىپ الۋىن) قولعا الماق.
«مينيسترلىكپەن ناقتى تەتىكتەرى مەن قارجىلاندىرۋ كوزدەرى بەلگىلەندى. بيۋدجەتتىك ۇيىمداردىڭ قىزمەتكەردەرى ءۇشىن باعادارلامانىڭ قولجەتىمدىلىگىن قامتاماسىز ەتۋ ءۇشىن تۇرعىن ءۇي سەرتيفيكاتتارىن بەرۋ ماسەلەلەرى جونىندە تۇرعىن ءۇي زاڭاماسىنا تۇزەتۋلەر ەنگىزۋ بويىنشا جۇمىستار جۇمىستار جۇرگىزىلۋدە» دەدى ج.قاسىمبەك.
سونىمەن قاتار, «7-20-25» باعدارلاماسىنا, «نۇرلى جەر» باعدارلاماسىنا تۇزەتۋلەر ەنگىزىلىپ, تۇرعىن ءۇي قۇرىلىس جيناق بانكىنىڭ قارىزدارىنىڭ باستاپقى جارناسىنىڭ مولشەرلەمەسى 30%-دان 20%-عا دەيىن تومەندەتىلگەنى تۋرالى حابارلادى.
«وسى شارالار تۇرعىن ءۇيدىڭ قولجەتىمدىلىگىن بارىنشا قامتاماسىز ەتەدى» دەيدى يندۋستريا جانە ينفراقۇرىلىمدىق دامۋ ءمينيسترى.