ۇكىمەت وتىرىسىندا يندۋستريا جانە ينفراقۇرىلىمدىق دامۋ ءمينيسترى جەڭىس قاسىمبەك مەملەكەت باسشىسىنىڭ كەڭەيتىلگەن وتىرىستا بەرگەن تاپسىرمالارىن ىسكە اسىرۋ بارىسى تۋرالى باياندادى.
ج.قاسىمبەك ەلباسىنىڭ «جەرگىلىكتى جەلىلەردەگى اۆتوموبيل جولدارىن جاقسى جاعدايدان 90%-عا دەيىنگى دەڭگەيگە جەتكىزۋ بويىنشا جۇمىستى بەلسەندىرۋ تۋرالى» تاپسىرماسى بويىنشا 2019 جىلى قىمبات كۇردەلى جوبالاردان سالقىن رەسايكلينگ ەكونوميكالىق ورتاشا ادىسىنە كوشەتىنىن ايتتى.
بيىل پاريتەتتى نەگىزدە رەسپۋبليكالىق جانە جەرگىلىكتى بيۋدجەتتەن 150 ملرد. تەڭگە ءبولۋ قاراستىرىلعان.
ونىڭ ايتۋىنشا, 2025 جىلعا قاراي جەرگىلىكتى جەلىلىرەدىڭ جاعدايىن 90 %-عا دەيىن جاقسارتۋ جولعا قويىلعان.
ودان بولەك «اقش پەن جاپونياعا تىكەلەي اۋە رەيستەرىن اشۋ ماسەلەسىن پىسىقتاۋ» تاپسىرماسىنا قاتىستى 2019 جىلى مينيسترلىك «ەير استانا» اۆياكومپانياسىمەن بىرلەسىپ جاپونيا, نيۋ-يورك, شانحاي جانە الەمنىڭ باسقا دا ءىرى قالالارىنا اۋە قاتىناسىن اشۋ جونىندە ءتيىستى شارالار قابىلدايتىنىن مالىمدەدى.
«بيىل اقش-قا ۇشۋ ءۇشىن اككرەديتاتسيا راسىمدەرىن باستايمىز» دەدى ءوز بايانداماسىندا يندۋستريا جانە ينفراقۇرىلىمدىق دامۋ ءمينيسترى.