الماتى پوليتسياسى بوستاندىق اۋدانىنداعى كولىكتىڭ ەسكى بولشەكتەرىن ساتۋ نۇكتەسىن تەكسەردى.
قالالىق پد ءباسپاسوز قىزمەتىنىڭ حابارلاۋىنشا, ساۋداگەر كولىكتىڭ ەسكى بولشەكتەرىن ءوزىنىڭ گاراجىندا ساتۋمەن اينالىسقان.
«بىرنەشە ساعات بۇرىن ءموبيلدى توپ ەسكى كولىك بولشەكتەرى ساۋدالانعان ساۋدا نۇكتەسىن انىقتادى. قوجايىن دۇكەندى ءوزىنىڭ گاراجىنان اشىپ قويعان. تەكسەرۋ بارىسىندا 100 اينا مەن 3 اككۋمۋلياتور تابىلدى. تاركىلەنگەن بولشەكتەردىڭ ارنايى قۇجاتى جوق بولىپ شىقتى. قازىر بۇل زاتتاردىڭ بۇرىنعى قوجايىندارى ىزدەستىرىلىپ جاتىر. سونىمەن قاتار, اينالاردىڭ ۇرلانعاندىعى دا تەكسەرىلىپ جاتىر. جاپا شەككەن ازاماتتار بولىمشەگە كەلىپ, ءوز زاتتارىن الۋدا», - دەدى الماتى قالاسى بوستاندىق اۋداندىق پوليتسيا باسقارماسىنىڭ باسشىسى داۋرەن ۋتەباەۆ.
ءتارتىپ ساقشىلارى ايناسىن ۇرلاتىپ العان كولىك جۇرگىزۋشىلەرى بولسا, بوستاندىق اۋداندىق پوليتسيا باسقارماسىنا حابارلاسۋلارىن سۇرايدى.