«ورلەۋ» بىلىكتىلىكتى كوتەرۋ ۇلتتىق ورتالىعى» اق وبلىستىق فيليالى –بىلىكتىلىكتى كوتەرۋ ينستيتۋتىنا 70 جىل تولدى. ءبىلىم ورداسىنىڭ وسى مەرەيجاسىنا وراي وقۋ كەڭەسىندە سالتاناتتى ءماجىلىس بولدى. وعان وبلىستاعى پەداگوگ عالىمدار, ءبىلىم سالاسىنىڭ ارداگەرلەرى, بىلىكتى ۇستازدار, جوعارى وقۋ ورىندارىنىڭ رەكتورلارى مەن وبلىستىق ءبىلىم باسقارماسىنىڭ باسشىلارى قاتىستى.
«قوستاناي وبلىسىنداعى ۇستازدار بىلىكتىلىگىن كوتەرۋ ينستيتۋتى ءوزىنىڭ 70 جىلدىعىن اتاپ وتەتىن جىلى كوپتەگەن شارالاردى جۇزەگە اسىردى. ءبىز ارحيۆتەردەن, وبلىس كىتاپحانالارىنان, مەرزىمدى ءباسپاسوز تىگىندىلەرىنەن ءبىلىم ورداسىنىڭ قۇرىلۋى مەن دامۋى جۇيەسى تۋرالى ىزدەستىرۋ, زەرتتەۋ جۇمىستارىن جۇرگىزدىك. ينستيتۋت قىزمەتكەرلەرىنىڭ ينەمەن قۇدىق قازعانداي قيىن دا, تياناقتى جۇمىستارىنىڭ ارقاسىندا تاريحىمىزدىڭ جارقىن بەتتەرىن جاسادىق. ينستيتۋت سوعىستان كەيىنگى اۋىر جىلدارى ءوزىن وسى يگى ىسكە ارناعان, ۇستازداردىڭ ۇستازى بولعان ادامداردىڭ ماڭداي تەرىمەن قۇرىلدى. ءبىز تاپقان ماتەريالدارىمىز نەگىزىندە ماقالالار جەلىسىن جازدىق, فيلم تۇسىردىك, ماماندار ەڭبەگى مەن ينستيتۋتتىڭ دامۋ جولىن كورسەتتىك» دەدى «وركەن» بىلىكتىلىكتى كوتەرۋ ۇلتتىق ورتالىعى» وبلىستىق فيليالىنىڭ ديرەكتورى ماريونەللا سلەسار.
سالتاناتتى باسقوسۋدا وبلىستىق ءبىلىم باسقارماسىنىڭ باسشىسى قۇسايىن كاتكەنوۆ ۇستازدار بىلىكتىلىگىن كوتەرۋ ينستيتۋتىنىڭ ءبىلىم ساپاسىنا قوسقان ەڭبەگى زور ەكەندىگىن تىلگە تيەك ەتتى.
«ينتستيتۋت قىزمەتكەرلەرىنىڭ كرەاتيۆتى جانە جاڭاشىل باستامالارىنىڭ ارقاسىندا وبلىس وڭىرىندەگى ۇستازدار قاۋىمى رەسپۋبليكادا الدىڭعى قاتارداعى ارىپتەستەر قاتارىنان كورىنىپ كەلەدى. ينستيتۋتتىڭ ءوزى سەكىلدى ودان وزىق تاجىريبەلەر مەن ادىستەمەلەردى ۇيرەنگەن ۇستازدارىمىز دا جوعارى كورسەتكىشتەرگە يە» دەدى قۇسايىن كاتكەنوۆ.
ينستيتۋتتا بىلىكتى ماماندار قىزمەت ىستەدى. مىسالى, ءبلىم بەرۋ سالاسىنىڭ ارداگەرى راۋشان بايسارينا وسى ينستيتۋتتا 42 جىل ەڭبەك ەتتى. ول وبلىستاعى ءبىلىم بەرۋ مەكەمەلەرى باسشىلارىنىڭ تۇتاس ءبىر ۇرپاعىن تاربەيەلەدى دەسە بولعانداي. اسىرەسە, وتكەن عاسىردىڭ 80-ءشى جىلدارى ناعىز جاڭاشىل ۇستازدار ۇستاحاناسى بولعان ينستيتۋتتا كوپتەگەن يگى ىستەر اتقارىلدى. ولاردىڭ باسىندا كالاشنيكوۆا تامارا, ميروشنيكوۆا ليۋدميلا, ديادەچكو ۆالەنتينا, سمازنوۆا ۆالەنتينا جانە تاعى باسقالار بولدى. بۇگىندە بىلىكتىلىكتى كوتەرۋ جۇيەسى – پىكىرلەستەر مەن مۇددەلەستەردىڭ باسىن بىرىكتىرىپ وتىرعان ءبىر رەسپۋبليكالىق جانە 14 وبلىستىق ينستيتۋتتان تۇراتىن ءىرى كوماندا بولىپ تابىلادى. ولاردا انگليادان, فرانتسيادان, سينگاپۋر مەن وڭتۇستىك كورەەيادان, تاعى باسقا دا وزىق ەلدەردەن ءبىلىمىن كوتەرگەن بىلىكتى 3 مىڭنان استام ماماندار قىزمەت ەتەدى. سالتاناتتا ءبىلىم سالاسىندا يننوۆاتسيالىق ادىستەمەلەردىڭ, جاڭا تەحنولوگيالاردىڭ ورتالىعىنا اينالعان ينستيتۋت ماماندارىنا قۇرمەت كورسەتىلدى.
ءنازيرا جارىمبەت,
«Egemen Qazaqstan»
قوستاناي