ءبىز – كوك تۋدى جەلبىرەتكەن تاتارلارمىز

ءبىز – كوك تۋدى جەلبىرەتكەن تاتارلارمىز

جۇما, 26 قازان 2012 7:29

ۇلى حالىق ارقاشاندا ۇلى­لى­عىن ىستەيدى. كەڭقولتىق قازاق حالقى ءوزىنىڭ عاسىرلار بويى ار­مانداعان تاۋەلسىزدىگىنە قول جەت­­كىزگەننەن كەيىن ەلباسىنىڭ باس­تا­ماسىمەن قازاقستان حالقى اس­سام­بلەياسىن قۇرىپ, ونىڭ تىزگىنىن تۇڭعىش پرەزيدەنتىمىز نۇر­­سۇلتان ءابىش ۇلى نازارباەۆتىڭ ءوزى ۇستادى. بۇل رەسپۋبليكانى مە­كەندەيتىن سان الۋان ۇلت پەن ۇلىستىڭ الاڭسىز تىرشىلىگىن قام­تا­ما­سىز ەتىپ, ءوزىنىڭ قىمبات ءداس­تۇر­لەرىن ساق­تاۋى­نا, ۇرپاق بولا­شا­عىنا دەگەن سەنىمىن نىق­تاۋعا مۇمكىندىك بەردى. قازاقستان رەس­پۋبليكا­سى­نىڭ الەمدى اۋزىنا قا­راتقان قا­دام­دارىنىڭ باستى­سى دا وسى ەدى. تاۋەل­سىز­دى­گى­مىزدىڭ 20 جىلدىق تاجىريبەسى, ەلىمىزدىڭ قىسقا مەرزىمدە گۇلدەنىپ-كور­كەيۋى كۇن ساۋلەلى شاڭىرا­عى­مىز­دىڭ بەرىكتىگى مەن بيىكتىگىن ءتورت­كۇل دۇنيەگە پاش ەتۋى دە سون­دىق­تان.

جۇما, 26 قازان 2012 7:29

ۇلى حالىق ارقاشاندا ۇلى­لى­عىن ىستەيدى. كەڭقولتىق قازاق حالقى ءوزىنىڭ عاسىرلار بويى ار­مانداعان تاۋەلسىزدىگىنە قول جەت­­كىزگەننەن كەيىن ەلباسىنىڭ باس­تا­ماسىمەن قازاقستان حالقى اس­سام­بلەياسىن قۇرىپ, ونىڭ تىزگىنىن تۇڭعىش پرەزيدەنتىمىز نۇر­­سۇلتان ءابىش ۇلى نازارباەۆتىڭ ءوزى ۇستادى. بۇل رەسپۋبليكانى مە­كەندەيتىن سان الۋان ۇلت پەن ۇلىستىڭ الاڭسىز تىرشىلىگىن قام­تا­ما­سىز ەتىپ, ءوزىنىڭ قىمبات ءداس­تۇر­لەرىن ساق­تاۋى­نا, ۇرپاق بولا­شا­عىنا دەگەن سەنىمىن نىق­تاۋعا مۇمكىندىك بەردى. قازاقستان رەس­پۋبليكا­سى­نىڭ الەمدى اۋزىنا قا­راتقان قا­دام­دارىنىڭ باستى­سى دا وسى ەدى. تاۋەل­سىز­دى­گى­مىزدىڭ 20 جىلدىق تاجىريبەسى, ەلىمىزدىڭ قىسقا مەرزىمدە گۇلدەنىپ-كور­كەيۋى كۇن ساۋلەلى شاڭىرا­عى­مىز­دىڭ بەرىكتىگى مەن بيىكتىگىن ءتورت­كۇل دۇنيەگە پاش ەتۋى دە سون­دىق­تان. تاعدىرلاس حا­لىقتاردىڭ قي­ىن-قىستاۋ كەزەڭدەردە سى­نال­عان, قۋانىش-دۋماندا نىعايعان دوس­تى­عى قۇ­رىش­تاي بەرىك ەكەندىگىنە تاۋبە قىلامىز. وب­لى­سى­مىز­دا­عى 40-تان استام ۇلت وكىلى وزىنە جۇك­تەلگەن قاستەرلى مىندەتكە ءار­قا­شان ادال بو­لىپ, جاسامپازدىق ۇلگى شاشىپ وتىرعانى عانيبەت.

ءبىزدىڭ اتا-بابالارىمىزدان تاراعان ۇرپاقتىڭ قازاقتىڭ كيەلى جەرىندە تۇرىپ جاتقانىنا 160 جىلدان اسىپ بارادى. تاتار حال­قى­نىڭ تاعدىرى قازاقتىڭ مادە­نيە­تىمەن, تۇرمىسىمەن جانە شا­رۋاشىلىق جۇرگىزۋ ىسىمەن تىعىز باي­لانىستى. سوناۋ 1850 جىل­دار­دىڭ باسىندا كوكشە جەرىنە قونىستانعان ەلۋشاقتى تاتار وت­باسىنىڭ بىردە-ءبىرى اتتىڭ با­سىن كەرى بۇرىپ, وزگە جاقتان جەر­ۇيىق ىزدەمەگەنى دە سون­دىق­تان. بۇگىنگى كۇنى دە سولاي. ىرگەمىز سوگىلىپ كورمەگەن. ويتكەنى, ءبىز – قازاق حالقىمەن بىرگە قا­زاقستان تاۋەلسىز­دىگىن قۇرىسقان حالىقپىز. تاۋەلسىزدىك سان ءتۇرلى ۇلت پەن ۇلىستىڭ مادەني قۇن­دى­لىقتارىن جاڭعىرتۋىنا ءمۇم­كىن­دىك بەردى.بىرلەستىگىمىزدى اتاقتى جەرلەس اعامىز, تاتارستان مەملەكەتتىك سىيلىعىنىڭ لاۋرەاتى, جازۋشى يبراگيم سالاحوۆ قۇرعان بو­لا­تىن. ول كىسى سۇلۋ كوكشەسىن جا­نىن­داي جاقسى كور­دى. سايا­سي قۋعىن-سۇرگىنگە ۇشىراپ, «كولىما قاسى­رەتى» رومانىن جازعانداعى ساعىنىشى جان سىز­داتسا, «كوكشەتاۋ دالا­سىندا» تاريحي حي­كايا­­تىن وقى­عان­دا كەۋدەڭىزدى تۋعان جەرگە دەگەن ماحاببات سەزىمدەرى كەرنەيدى. سونداي-اق, ءبۇ­گىن­گى كۇنى قول جەتكىزگەن تابىستارىمىزدى حاكىم مالدىباەۆ, راشيد عاينۋللين, فارۋك كۋرماەۆ, راۋف اقبەردين سەكىلدى بەلگىلى ازامات­تار­دىڭ ەسىمدەرىمەن دە بايلانىستىرا­مىز. ولار­دىڭ ۇلت ىنتىماعىن ۇيىستىرۋ­دا­عى ەڭبەكتەرى ارقا­شان جادىمىزدا. جاس ۇرپاق سول ۇلگى-ونەگەنى زامان تالابىنا ساي جاڭعىرتۋدا.بىرلەستىگىمىزدەگى «عاليابا­نۋ», «ياشلەك» ءان-بي انسامبلدەرى رەسپۋبليكامىزعا كەڭى­نەن تا­نىمال ءارى شەتەلدىك مادەني ساپارلاردا قازاقستان داڭقىن شى­عا­رىپ ءجۇر دەسەم, ارتىق ايتقان­دىق ەمەس. ارداگەرلەر ۇيىمى­مەن قاتار, جاستاردىڭ ساياسي پىكىرتالاس كلۋبى بەلسەندى جۇمىس ىستەۋدە. اعا بۋىن ۇلتتىق سالت-ءداستۇر, ىرىم-جورالعىلار, ءما­دە­ني قۇندىلىقتار باعىتىندا كوپ ەڭبەك­تەنسە, جاستار جاعى قا­زاقستان بولاشاعىنىڭ كىرپىشى بولىپ قالانۋعا تىرىسىپ ءجۇر. اسىرەسە, «دوستىق-درۋجبا» جۋر­­نا­لىنىڭ ءتىلشىسى رينات دۋسۋموۆ, وبلىس­تىق سالاماتتى ءومىر سالتىن قالىپتاستىرۋ ورتالىعى دي­رەك­تورىنىڭ ورىنباسارى دانا جانتەمىروۆا, «جاس ۇرپاق» قوزعالىسىنىڭ كوشباسشىسى يلدار ابزاليموۆ, فاريت احمەتوۆ, زارينا ۋسمانوۆا, ۇلتتىق سپورت ونەرىنىڭ جان­اشى­رى ۋلفات ۋس­مانوۆ بىرلەستىك تاراپى­نان قوي­ىلعان تاپسىرمالاردى تيا­ناقتاپ ورىن­دايتىنىمەن ريزا ەتەدى.كەڭەس وكىمەتىنىڭ ورىستان­دى­رۋ ساياساتى تۇركى حالىقتارىنىڭ ىشىندە ەڭ الدىمەن تاتارلاردى شارپىعانى بەلگىلى. ءبىز ۇزاق جىل­دار ۇلتتىق مەيرامىمىز – «سابانتوي­دى» كوڭىلدەگىدەي ەتىپ تويلاي الماي جۇردىك. سول تويىمىز اقمولادا ەگەمەندىكتىڭ ال­عاش­قى جىلىندا-اق دۇركىرەتىپ وتكىزىلدى. ەگە­مەن­دىكتىڭ 20 جىل­دىعىنداعى ءداستۇرلى مەرەكەلىك شارالاردىڭ اۋقىمى كەڭەيىپ, ەل-جۇرتتىڭ ريزاشىلىعىن ال­دىق. وعان بۋراباي مەن ستەپ­نو­گورداعى فيليالدارىمىز دا بەلسەندىلىكپەن قاتىستى.وسىدان ءبىراز جىل بۇرىن رەسەي تەلە­ار­نا­سى ەتنومادەني بىرلەستىگىمىز جايلى مەنىمەن سۇحبات جۇرگىزدى. بۇگىنگى اڭگىمەمدى سون­دا­عى ايتىلعان ءتۇيىن-تۇجى­رىم­مەن اياقتاسام دەيمىن: ءبىز, تاتار حالقى, ءوزىمىزدىڭ وتانىمىز قا­زاق­ستاندا ءبىلىم الۋعا, ەڭبەك ەتۋگە, ءتىلىمىز بەن ءدىلىمىزدى ساقتاۋعا, قوعامدىق ءومىردىڭ ءار سالاسىندا ءوز دەڭگەيىمىزدى تانىتۋعا تولىق­قان­دى مۇمكىندىگىمىز بار. وسى­نىڭ ءبارى ءۇشىن قازاقتىڭ دارقان دالاسى مەن كەڭ پەيىلىنە ريزا­مىز. لايىم سولاي بولعاي!

فارۋك بوگاپوۆ,اقمولا وبلىستىق تاتار ەتنومادەنيبىرلەستىگىنىڭ توراعاسى.

اقمولا وبلىسى.