قازاقستان رەسپۋبليكاسى پرەزيدەنتى ءىس باسقارماسى مەديتسينالىق ورتالىعى اۋرۋحاناسىنىڭ ديرەكتورى ءامىر امانتاي ۇلى احەتوۆ قايتىس بولدى. بۇل تۋرالى قازاقستان رەسپۋبليكاسى پرەزيدەنتىنىڭ ءىس باسقارماسى حابارلادى.
ءامىر امانتاي ۇلى ءىس باسقارماسىنىڭ جۇيەسىندە 10 جىلدان استام ۋاقىت ەڭبەك ەتتى. ءار جىلداردا «الماتى» جانە «وقجەتپەس» ساناتوريلەرىنىڭ, ورتالىق كلينيكالىق اۋرۋحاناسىنىڭ, مەديتسينالىق ورتالىق اۋرۋحاناسىنىڭ باسشىسى قىزمەتتەرىن اتقاردى.
مەديتسينا عىلىمدارىنىڭ دوكتورى, قازاقستان رەسپۋبليكاسى ۇلتتىق عىلىم اكادەمياسىنىڭ قۇرمەتتى مۇشەسى, رەسەي جاراتىلىستانۋ عىلىمدارى اكادەمياسىنىڭ پروفەسسورى, ول عالىمدار توبىنىڭ قۇرامىندا بولىپ, ۇزاق ءومىر ءسۇرۋ جولىنداعى ازىرلەمەسى ءۇشىن قازاقستان رەسپۋبليكاسىنىڭ ال-فارابي اتىنداعى عىلىم مەن تەحنيكا سالاسىنداعى 2017 جىلعى مەملەكەتتىك سىيلىقتىڭ لاۋرەاتى بولدى.