اتىراۋ وبلىسىندا قىزىلشا اۋرۋىنىڭ دەرەكتەرى ازايدى

-  №2 وبلىستىق اۋرۋحانادا 111 بالا ەمدەلدى. قازىر 30 بالا اۋرۋحانادا ەم الۋدا. ولاردىڭ جاعدايلارى تۇراقتى. جالپى العاندا, يممۋندى فەرمەنتتى زەرتحانا ارقىلى قىزىلشانىڭ 54 جاعدايى راستالدى. – دەيدى ۇلجان مۇحتاروۆا. – اۋرۋ كورسەتكىشى تومەندەگەنىن اتاپ وتكىم كەلەدى. قىزىلشانىڭ  اۋىر جاعدايلارى بايقالمايدى. نەگىزىندە, ۋاقتىلى ۆاكتسيناتسيادان وتپەگەن بالالار زارداپ شەگەدى. بۇل جۇقپالى اۋرۋلار سانىنىڭ ءوسۋ سەبەپتەرىنىڭ ءبىرى.

قىزىلشانىڭ  جوعارى دەڭگەيى بالالاردىڭ 90% -نىڭ قىزىلشاعا قارسى ۆاكتسينا الماۋىنا  بايلانىستى.  تۋا بىتكەن يممۋنيتەت بالالارعا بەرىلمەيدى جانە ولار جۇقپالى اۋرۋعا  اسا سەزىمتال بولدى. ستاتيستيكا بويىنشا, وبلىستا 30 جاسقا دەيىنگى 8 مىڭنان استام ادام ەگىلگەن جوق.

سونداي-اق قىزىلشامەن اۋىراتىن بالالاردىڭ 90% -ى ەگۋ جاسىنا جەتە الماعان بالالار. ادەتتە, ۆاكتسيناتسيا 1 جاستاعى نەمەسە 6 جاستاعى بالالارعا بەرىلەدى.

- اتا-انالاردىڭ ءوز بالالارىنا ۆاكتسيناتسيادان باس تارتۋى جاعدايدى دا قيىنداتادى.  ديفتەريا, سكارلاتينانىڭ اۋرۋلارى  وقشاۋلانىپ تۇر. باقىتىمىزعا وراي, ءبىزدىڭ وبلىستا وسىنداي اۋرۋلار جوق. سوندىقتان ءبىز بارلىق اتا-انالاردى ۆاكتسيناتسيادان باس تارتپاۋعا شاقىرامىز », - دەيدى ۇلجان مۇحتاروۆا.

وبلىستىق دەنساۋلىق ساقتاۋ باسقارماسىنىڭ ءبولىم باسشىسى گۇلنار تانباەۆانىڭ ايتۋىنشا, سوڭعى دەرەكتەر  بويىنشا  6 جاسقا دەيىنگى 4144 بالا ۆاكتسيناتسيادان باس تارتقان.

- تالداۋ جۇرگىزىلدى. مەديتسينالىق سەبەپتەر بويىنشا ۆاكتسيناتسيادان وتپەگەندەر بار, بىراق كوبىنەسە وزدەرى باس تارتادى. بيىل ءبىز 31 450 ادامعا ۆاكتسيناتسيالاۋىمىز كەرەك,- دەيدى گۇلنار تانباەۆا . – ءبىرىنشى توقساندا 4,7 مىڭ ادامدى ەگۋ جوسپارلانعان. بۇل جۇمىس جۇرگىزىلدى. اۋرۋلاردىڭ ارتۋىنا بايلانىستى ءبىز قوسىمشا 7000 دوزا ۆاكتسينا ساتىپ الۋعا ءوتىنىم جاسادىق.

دارىگەرلەردىڭ ايتۋىنشا, ادامدار ۆاكتسينالاردى قابىلداۋدىڭ ماڭىزدىلىعىن ءتۇسىنىپ كەلەدى. بۇل جۇرگىزىپ وتىرعان الدىن-الۋ جۇمىستارى ناتيجەسىن بەرەتىندىگىن كورسەتەدى.

باقىتگۇل باباش,

«Egemen Qazaqstan»

اتىراۋ