دوپتى حوككەيدەن شۆەتسيادا ءوتىپ جاتقان الەم چەمپيوناتىندا قازاقستان قۇراماسى ءوزىنىڭ العاشقى جەڭىسىنە قول جەتكىزدى. شيرەك فينالدىق سايىستا ءبىزدىڭ جىگىتتەر نورۆەگيانى ۇتتى.
وسىعان دەيىنگى ءۇش ويىن دا جەرلەستەرىمىز ءۇشىن ءساتسىز اياقتالعان ەدى. ولار ءۇش كەزدەسۋدى قارسىلاستار قاقپاسىنا نەبارى ەكى گول سوعىپ, ءوز قاقپاسىنا 51 دوپ جىبەرىپ الدى. تارقاتىپ ايتساق, فينليانديادان 0:9, ال رەسەي مەن شۆەتسيادان 1:22 ەسەپتەرىيەن ۇتىلدى. دەسەك تە مىقتىلار توبىندا ايناعاندىقتان قازاقستاننىڭ بەنديشىلدەرى ءتورتىنشى ورىن السا دا, پلەي-وففقا جولداما الدى.
نورۆەگيا قارسى باسەكەنىڭ العاشقى تايمى 1:1 ەسەبىمەن اياقتالدى. تەك ۇزىلىستەن كەيىن عانا ەس جيعان جەرلەستەرىمىز ءتورت رەت نىسانانى ءدال كوزدەدى. قورىتىندى ەسەپ – 4:1. ءبىزدىڭ كوماندا ساپىندا راۋان يساليەۆ ەكى گولدىڭ اۆتورى اتانسا, ەسكەندىر نۇعمانوۆ پەن ەۆگەني شادرين ءبىر-ءبىر رەتتەن مەرگەندىك تانىتتى.
جارتىلاي فينالدا وتانداستارىمىزدى ايدىن يەلەرى كۇتىپ تۇر. بۇل ماتچ بۇگىن وتەدى. كەلەسى جارتىلاي فينالدا رەسەي مەن فينليانديا كۇش سىناسادى.
عالىم سۇلەيمەن,
«Egemen Qazaqstan»