سەيسەنبى, 20 قاراشا 2012 7:07
سانسىز باپتاردىڭ مەكەنى اتانعان سايرام حالقى تىعىز قونىستانعان اۋدانداردىڭ ءبىرى سانالادى. رەسمي مالىمەت بويىنشا بۇگىندە اۋداندا 300 مىڭنان استام جان بار. سايرامنىڭ حالقى ەڭبەكقورلىعىمەن, جاڭالىقتى جاتىرقاماي قابىلدايتىن جاڭاشىلدىعىمەن, بەيىمدىلىگىمەن تانىلعان. سايرامدىق شارۋالار جىلىجاي ءوسىرۋ مەن تامشىلاتىپ سۋارۋ ءادىسىن ەنگىزۋ, سونىمەن قوسا مال بورداقىلاۋمەن بۇكىل رەسپۋبليكاعا ۇلگى بولىپ وتىر دەسەك, مۇنىمىز اسىرا ايتقاندىق ەمەس. مىنە, قۇت-بەرەكە دارىعان سايرامدا وسى اپتادا بىرنەشە الەۋمەتتىك نىسان ەل يگىلىگىنە بەرىلدى.
سەيسەنبى, 20 قاراشا 2012 7:07
سانسىز باپتاردىڭ مەكەنى اتانعان سايرام حالقى تىعىز قونىستانعان اۋدانداردىڭ ءبىرى سانالادى. رەسمي مالىمەت بويىنشا بۇگىندە اۋداندا 300 مىڭنان استام جان بار. سايرامنىڭ حالقى ەڭبەكقورلىعىمەن, جاڭالىقتى جاتىرقاماي قابىلدايتىن جاڭاشىلدىعىمەن, بەيىمدىلىگىمەن تانىلعان. سايرامدىق شارۋالار جىلىجاي ءوسىرۋ مەن تامشىلاتىپ سۋارۋ ءادىسىن ەنگىزۋ, سونىمەن قوسا مال بورداقىلاۋمەن بۇكىل رەسپۋبليكاعا ۇلگى بولىپ وتىر دەسەك, مۇنىمىز اسىرا ايتقاندىق ەمەس. مىنە, قۇت-بەرەكە دارىعان سايرامدا وسى اپتادا بىرنەشە الەۋمەتتىك نىسان ەل يگىلىگىنە بەرىلدى.
وبلىستىڭ 80 جىلدىق مەرەيتويىنا 80 نىسان اياسىندا رەسپۋبليكالىق بيۋدجەتتەن قارجىلاندىرىلعان بىرنەشە ءبىلىم بەرۋ نىساندارى, اتاپ ايتقاندا 1 مامىر اۋىلىندا 900 ورىندىق, قىزىلسۋ ەلدى مەكەنىندە 300 ورىندىق ءبىلىم ۇيالارىنىڭ, شاپىراشتى اۋىلىندا وبلىستىق بيۋدجەت قارجىسىنا سالىنعان 300 ورىندىق, وتەمىس اۋىلىندا 300 ورىندىق جانە اقسۋكەنت اۋىلىندا 200 ورىندىق مەكتەپتەردىڭ, مۇنىمەن قوسا دەمەۋشىلەردىڭ ەسەبىنەن سايرام اۋىلىندا 320 ورىندىق بالاباقشانىڭ قۇرىلىستارى اياقتالدى. وسى اپتادا سايرام اۋدانىندا ءۇش الەۋمەتتىك نىساننىڭ لەنتاسى قيىلدى.سايرام اۋىلىنداعى «استانا» بالاباقشاسى قوس قاباتتى, ەرەكشە ساۋلەتپەن سالىنعان عيمارات. ونى جەرگىلىكتى كاسىپكەر ارافات سۋلايمانوۆا سالدىرعان. وبلىستا جەكە كاسىپكەرلەردىڭ ەسەبىنەن سالىنعان مۇنداي ءىرى بالاباقشا بۇعان دەيىن بولعان ەمەس. قۇرىلىسى وتكەن ءساۋىر ايىندا باستالىپ, بار-جوعى جەتى اي ىشىندە اياقتالىپتى.– وبلىسىمىزدا بالا تۋ كورسەتكىشى جوعارى. سوندىقتان ەلباسىنىڭ تاپسىرماسىنا ساي, بالالاردى مەكتەپكە دەيىنگى مەكەمەلەرمەن قامتۋ ءبىز ءۇشىن وتە وزەكتى ماسەلە. وسى ىسكە جەكە كاسىپكەرلەردىڭ دە ۇلەسىن قوسىپ, قىزىعۋشىلىق تانىتقانى قۋانتادى. مىنا اشىلىپ وتىرعان بالاباقشا مىڭ بالاعا ارنالعان. مۇنداي ۇلكەن بالاباقشا وبلىستا العاش رەت اشىلىپ وتىر. عيمارات بيۋدجەت قارجىسىمەن سالىنىپ جاتقان بالاباقشالارعا قاراعاندا 2,5 ەسەگە ارزان ءتۇسىپ وتىر. ءار بالاعا شاققاندا – 500 مىڭ تەڭگەدەن تۇسەدى. ەندى وسىنداي ءتيىمدى جوبانى وبلىسقا كەڭىنەن تاراتۋىمىز كەرەك, – دەدى وبلىس اكىمى اسقار مىرزاحمەتوۆ بالاباقشانىڭ اشىلۋ سالتاناتىندا.ءبىر ايتا كەتەرى, سايرام اۋىلدىق وكرۋگىندە بۇگىندە 3-6 جاس ارالىعىندا ءۇش جارىم مىڭنان استام ءبۇلدىرشىن بار ەكەن. بۇعان دەيىن مۇندا 4 جەكەمەنشىك بالاباقشا سالىنىپ, پايدالانۋعا بەرىلگەن. ءسويتىپ, بالالاردىڭ 47 پايىزى بالاباقشامەن قامتاماسىز ەتىلگەن. «استانا» بالاباقشاسى ىسكە قوسىلعان سوڭ بۇل كورسەتكىش 74 پايىزعا جەتىپ وتىر. اۋدان اكىمى ءۋاليحان قاينازاروۆتىڭ ايتۋىنشا, اۋداندا مەكتەپكە دەيىنگى مەكەمەمەن قامتىلعان ءبۇلدىرشىندەردىڭ 71 پايىزى جەكەمەنشىك بالاباقشالاردا تاربيەلەنىپ جاتىر. ياعني, «بالاپان» باعدارلاماسىنا جەكە كاسىپكەرلەردى تارتۋ جاقسى ناتيجە بەرىپ كەلەدى دەگەن ءسوز. جالپى العاندا, جوعارىدا اتالعان باعدارلاما بويىنشا بۇگىندە اۋداندا 64 مەكتەپكە دەيىنگى مەكەمە جۇمىس ىستەسە, ونىڭ 11-ءى مەملەكەتتىك, 32-ءسى جەكەمەنشىك. بۇدان بولەك 21 مەكتەپ جانىنان اشىلعان شاعىن ورتالىقتار تاعى بار.ەلدىڭ يگىلىگىنە بەرىلگەن ەكىنشى نىسان اقبۇلاق اۋىلدىق وكرۋگىنە قاراستى وتەمىس اۋىلىنداعى 300 ورىندىق اباي اتىنداعى №38 جالپى ورتا مەكتەپ. بۇعان دەيىن اۋىل وقۋشىلارى ىرگەسى جارتى عاسىردان استام ۋاقىت بۇرىن قالانعان ەسكى مەكتەپتە ءبىلىم الىپ كەلگەن. وقۋشىعا زامان تالابىنا ساي ءبىلىم بەرۋگە مۇمكىندىگى جوق ءبىلىم ۇياسىنا جاڭا عيمارات سالىپ بەرۋ بيىلدىڭ ءساۋىرىندە باستالىپتى. جوسپار بويىنشا ول كەلەر جىلى اياقتالۋى ءتيىس ەدى. موينىنا العان مىندەتىن مەرزىمىنەن بۇرىن ورىنداعان «NTR» كومپانياسىنىڭ تىندىرىمدى تىرلىگىنە وتەمىستىكتەر العىسىن جاۋدىرىپ جاتىر.بۇل كۇنى اۋدان حالقى ءۇشىن ەرەكشە قۋانىشتى جايت – اقسۋكەنتتە كەيىنگى جىلدارى كوركىنە كورىك قوسىپ, قۇلپىرىپ كەلە جاتقان ورتالىق ساياباقتا نەكە سارايىنىڭ اشىلۋى ەدى. قۇنى 145 ميلليون تەڭگەگە باعالانعان قۇرىلىسقا قاجەتتى قارجى اۋداندىق بيۋدجەتتەن بولىنگەن. قازىعى وتكەن ماۋسىم ايىندا قاعىلعان عيمارات بار-جوعى بەس اي ىشىندە پايدالانۋعا بەرىلىپ وتىر. ەندى ول اۋداندىق ادىلەت باسقارماسىنىڭ ەنشىسىنە ءوتتى.– حالىق تىعىز قونىستانعان سايرام اۋدانىندا جىل سايىن شامامەن 2800-گە جۋىق نەكە تىركەلەدى. بيىلعى جىلدىڭ 10 ايىندا 2400-دەن استام جۇپ شاڭىراق كوتەردى. جاڭا نەكە سارايىنىڭ ورتالىق ساياباقتان ورىن تەبۋى تەگىن ەمەس. ءويتكەنى, جاس جۇبايلار نەكە قيار سالتاناتى كەزىندە وسىنداعى ۇلى وتان سوعىسى ارداگەرلەرىنە ارنالعان اللەياعا كەلۋدى داستۇرگە اينالدىرعان, – دەيدى اۋدان اكىمى. جالپى, جاستار ماسەلەسى ءبىزدىڭ باستى نازارىمىزدا. كەلەر جىلى ساياباقتان سپورت كەشەنىن سالۋ جوسپارىمىزدا بار. بۇل جاستارىمىزدىڭ جامان ادەتتەردەن اۋلاق بولىپ, سالاماتتى ءومىر سالتىن ۇستانۋلارىنا سەپتىگىن تيگىزەدى دەپ ويلايمىز.اۋداندا حالىقتى اۋىز سۋمەن قامتاماسىز ەتۋ باعىتىندا دا اۋىز تولتىرىپ ايتارلىق جۇمىستار اتقارىلۋدا. اۋداندا 72 ەلدى مەكەن بولسا, سونىڭ 46-سىندا اۋىز سۋ تاۋلىگىنە 24 ساعات بەرىلەدى. بۇل كورسەتكىش باسقا اۋداندارمەن سالىستىرعاندا الدەقايدا جوعارى. بيىل اۋدانداعى تاعى 3 ەلدى مەكەن وسى ماسەلەنى شەشۋگە كىرىسىپ كەتتى. نىساندار قاراشانىڭ سوڭىندا پايدالانۋعا بەرىلۋ ءتيىس. ال, 104 مەكتەبى بار سايرامدا بيىل 8 ءبىلىم بەرۋ نىسانىن پايدالانۋعا بەرۋ جوسپارلانعان. بۇدان بولەك 5 دەنساۋلىق ساقتاۋ نىسانى جىل سوڭىنا دەيىن ەلدىڭ يگىلىگىنە تاپسىرىلماق.ورالحان ءداۋىت,«ەگەمەن قازاقستان».وڭتۇستىك قازاقستان وبلىسى,سايرام اۋدانى.