كوكتەم جاقىنداعان سايىن, وزىمەن بىرگە كوكتەم وزەكتى ماسەلەلەرىن دە الا كەلەدى. سونىڭ ىشىندە باتىس قازاقستان وبلىسى بويىنشا كوكتەمگى سۋ تاسقىنىن اپاتسىز وتكىزۋ ماسەلەسى. بۇگىنگى تاڭدا دەپارتامەنت قىزمەتكەرلەرى بارلىق دەڭگەيدەگى جەرگىلىكتى اتقارۋشى ورگاندارمەن بىرلەسە وتىرىپ سۋ تاسقىنىنىڭ الدىن الۋدىڭ كەشەندى ءىس-شارالارىن ۇيىمداستىرۋدا.
اعىمداعى جىلدىڭ 30 قاڭتارىندا قازاقستان رەسپۋبليكاسى ىشكى ىستەر مينيسترلىگى توتەنشە جاعدايلار كوميتەتىنىڭ 2018 جىلعى 22 قاڭتارداعى №14 جانە قازاقستان رەسپۋبليكاسى ەنەرگەتيكا مينيسترلىگىنىڭ 2018 جىلعى 22 قاڭتارداعى №69-ءو بىرلەسكەن بۇيرىعىنا سايكەس سۋ تاسقىنىن بولجاۋدى جاقسارتۋ جانە بولجامدىق دەرەكتەردى دايىنداۋ ماقساتىندا "قازگيدرومەت" رقك فيليالى وكىلدەرى تج دەپارتامەنتى قىزمەتكەرلەرىمەن بىرلەسىپ تاسقالا جانە بايتەرەك اۋداندارىندا دەركول وزەنىندەگى قار جامىلعىسىنىڭ بيىكتىگى مەن قارداعى سۋدىڭ قورىن انىقتاۋ بويىنشا بىرلەسكەن شىعۋلاردى جۇزەگە اسىردى.
بايتەرەك اۋدانى پەرەمەتنوە اۋىلىندا قاردىڭ قالىڭدىعى 45 سم (نورما 20 سم), قارداعى سۋدىڭ قورى 99 مم (نورما 68 مم), ورتاشا تىعىزدىق 0,23 گ/سم3. تاسقالا اۋدانى باستاۋ اۋىلىندا قاردىڭ قالىڭدىعى 50 سم (نورما 20 سم), قارداعى سۋدىڭ قورى 115 مم (نورما 68 مم), ورتاشا تىعىزدىق 0,23 گ/سم3.
جۇمىس توبىنىڭ شىعۋى دەپارتامەنتتىڭ جەدەل-قۇتقارۋ جاساعىنىڭ جوعارى وتكىزگىش تەحنيكاسىمەن جۇزەگە اسىرىلادى. سونىمەن قاتار, جۇمىس توبىنىڭ قۇرامىنا جەرگىلىكتى بۇقارالىق اقپارات قۇرالدارىنىڭ وكىلدەرى قاتىستى.
وبلىس اۋماعىندا سۋ تاسقىنىنىڭ قاۋپى بار اۋداندىق كەشەندەردىڭ ۋچاسكەلەرىن تەكسەرۋ جۇمىستارى جالعاسۋدا.