الماتى وبلىسىندا اسىل تۇقىمدى مال باسى كوبەيدى

- ءبىزدىڭ اۋداندا ء«ىرى قارا مال ەتىنىڭ ەكسپورتتىق الەۋەتىن دامىتۋ» جوباسىن ىسكە اسىرۋ جونىندەگى ءىس-شارالاردىڭ كەشەندى جوسپارىنا سايكەس,  مال بورداقىلاۋ الاڭدارىن قۇرۋ بويىنشا بىرقاتار جۇمىستار اتقارىلۋدا. قازىر بىرنەشە شارۋا قوجالىعى 600 باسقا لايىقتالعان مال جەمدەۋ الاڭدارىن كەڭەيتۋ ارقىلى, بورداقىلاۋداعى مال سانىن 1000 باسقا دەيىن كوبەيتۋدى جوسپارلاپ وتىر, - دەيدى پانفيلوۆ اۋدانى اكىمىنىڭ ءباسپاسوز حاتشىسى نۇربول قاناعات.

بىلتىر وسى باعىتتاعى جۇمىستاردى جانداندىرۋ ءۇشىن اۋدان شارۋالارى «قازاگروقارجى» كومپانياسىنىڭ قولداۋىمەن ەت پە ءسۇتتى مول بەرەتىن اسىل تۇقىمدى ءىرى قارا ساتىپ العان ءبىر عانا «سىباعا» باعدارلاماسىنىڭ ارقاسىندا 96 ملن تەڭگەگە رەسەيدىڭ استراحان وبلىسىنان 217 باس «قالماق» تۇقىمدى سيىر اكەلىنگەن. جالپى «قازاگروقارجى» كومپانياسىنى پانفيلوۆ اۋدانى بويىنشا اۋىل شارۋاشىلىعىن  قولداۋعا 258,5 ملن تەڭگەگە نەسيە بەرىپتى.

ال وڭىردەگى كوكتال اگرو» جاۋاپكەرشىلىگى شەكتەۋلى سەرىكتەستىگىنىڭ ەت پەن ءسۇت وندىرىسە جولعا قويۋعا قاتىستى ۇلكەن جوسپارى بار. بۇيىرسا, شارۋشلىقتىڭ جەكە تاۋارلى ءسۇت فەرماسى بولادى. سەرىكتەستىك 2000 باس «سيممەنتال» اسىل تۇقىمدى ءىرى قارا مالىن ساتىپ الۋعا 2,6 ملرد تەڭگە جۇمساماقشى.ونىڭ 1000 باسى بيىل, قالعان 1000 باسى 2020 جىلى كەلەدى.

قالماحانبەت مۇقامەتقالي,

«Egemen Qazaqstan»

الماتى وبلىسى