ەسىل اۋدانىنىڭ اكىمى تولەگەن زاكاريانوۆ حالىقپەن كەزدەسۋىندە جاڭا جولدار سالىنىپ, اۋلالار اباتتاندىرىلىپ, جارىقتاندىرۋ جۇمىستارى جۇرگىزىلىپ جاتقانىن ايتتى. بۇل تۋرالى استانا اكىمدىگىنىڭ ءباسپاسوز قىزمەتى حابارلادى.
«اعىمداعى جىلى تۇران داڭعىلىنان نۇرا - ەسىل ارناسىنا دەيىنگى ۋچاسكەدە №31 كوشەنىڭ, تۇران داڭعىلىنان №37 كوشەگە دەيىنگى ۋچاسكەدەگى № 26 كوشەنىڭ, سونداي-اق تۇران داڭعىلىنان بەيسەكوۆا كوشەسىنە دەيىنگى ۋچاسكەدە حۋسەين بەن تالال كوشەسىنىڭ, ماڭگىلىك ەل داڭعىلىنان تاۋەلسىزدىك داڭعىلىنا دەيىنگى ۋچاسكەدە №29 كوشەنىڭ, تۇران داڭعىلىنان «سات كونستراكشن گرۋپپ» متج-عا دەيىنگى ۋچاسكەدە ە22 كوشەنىڭ جانە ە10, ە30, ە15, ە25 كوشەلەرىنىڭ قۇرىلىسى جوسپارلانۋدا. بۇدان وزگە, №199, ە16, ە41, ە17 شەكارالارىنداعى كوشەلەر, تاۋەلسىزدىك داڭعىلى بويىنداعى ەسىل وزەنى ارقىلى وتەتىن كوپىر جانە ورىنبور كوشەلەرى شەكاراسىنداعى№ 39, № 26, №31 ( № 37, 38, 28 كوشەلەرى) تۇرعىن ءۇي الابى جولدارىنىڭ قۇرىلىسى جوسپارلانىپ وتىر. «استانا قالاسىنىڭ وڭتۇستىك-باتىس اينالما جولى» جوباسىنىڭ قۇرىلىسى جۇزەگە اسىرىلۋدا.
ونىڭ اياسىندا استانا دامۋىنىڭ باس جوسپارىندا كوزدەلگەن ك-1 اينالما جولىنىڭ ءبىر بولىگى بولىپ تابىلاتىن ۋچاسكە قۇرىلاتىن بولادى. بۇل قالا ارقىلى وتەتىن اۆتوكولىك قۇرالدارىنىڭ اعىندارىن ەلوردانى اينالىپ وتۋگە مۇمكىندىك بەرەدى, سونداي-اق جۇك كولىگىن قالادان تىس جەرلەرگە شىعارىپ, ەلوردادا كولىك اعىنىن جەڭىلدەتەدى», – دەدى ت. زاكاريانوۆ.
اۆتوماگيسترال ءتورت بولىككە بولىنگەن جانە ول 3 كوپىر مەن 4 كولىك ايىرىعىن قامتيدى. بۇدان باسقا, اعىمداعى جىلى اۋدان بيلىگى اۋداننىڭ تۇرعىن الاپتارىندا 29 كوشەنى جارىقتاندىرۋدى, 15 ورامىشىلىك وتپە جولدارداعى شۇڭقىرلاردى جوندەۋدى, 10 تۇرعىن ءۇي كەشەنىنە جاڭا دەكوراتيۆتىك جارىقتاندىرۋ ورناتۋدى جانە 10 اۋلا اۋماعىنا كەشەندى اباتتاندىرۋدى جۇرگىزۋدى جوسپارلاپ وتىر.