دۇنيەجۇزىلىك دەنساۋلىق ساقتاۋ ۇيىمى 2019 جىلى قوعامدىق دەنساۋلىقتى ساقتاۋعا ءتونىپ تۇرعان 10 باستى قاۋىپتى اتادى. بۇل تۋرالى بىرىككەن ۇلتتار ءۇيىمىنىڭ باسپاسوز قىزمەتى حابارلادى.
«ەكپە ارقىلى الدىن الۋعا بولاتىن قىزىلشا مەن ديفتەريانىڭ, انتيبيوتيكتەرگە ءتوزىمدى قوزدىرعىشتاردىڭ تارالۋىنان, سەمىزدىككە دەيىن جانە اۋانىڭ لاستانۋىنان ورىن الاتىن اۋرۋلاردان باسقا – ددۇ ادامزاتتىڭ ۇجىمدىق دەنساۋلىعى ءۇشىن بارىنشا قاۋىپتى دەگەن ونىن اتادى», - دەپ حابارلادى بەيسەنبىدە بۇۇ-نان.
وسى جىلى قوعامدىق دەنساۋلىق ساقتاۋعا ءتونىپ تۇرعان قاۋىپتەر قاتارىندا مىنالار اتالعان: اۋانىڭ لاستانۋى مەن كليماتتىڭ وزگەرۋى, جۇقپالى ەمەس اۋرۋلار (ديابەتتى, وبىر مەن جۇرەك-قان تامىرلارى جۇيەسىنىڭ اۋرۋلارىن قوسا العاندا), تۇماۋ ىندەتى, انتيبيوتيكتەرگە توزىمدىلىك. ەبولا مەن باسقا دا قاۋىپتى ينفەكتسيالار, العاشقى مەديكو-سانيتارلىق كومەك جۇيەسى, ەكپەدەن باس تارتۋ, دەنگە جانە جيتس.
«بيىل ددۇ قىزمەتىندە جاڭا كەزەڭ باستالدى – بەسجىلدىق - ەسەپ بويىنشا 13-ءشى - دەنساۋلىق ساقتاۋ سالاسىنداعى جاھاندىق باعدارلاما باستالدى. ول ءۇش ميلليارد ادامعا ەسەپتەلگەن: ءبىر ميللاردقا مەديتسينالىق ساقتاندىرۋى بار ادامدار سانى ارتۋى كەرەك, ميللياردقا – دەنساۋلىق ساقتاۋ سالاسىنداعى توتەنشە جاعدايلاردان قورعالعاندار سانى ارتۋى, تاعى ميللياردقا 2023 جىلعا قاراي جەر شارىنىڭ تۇرعىندارى وزدەرىن بارىشا دەنى ساۋ ەتىپ سەزىنۋلەرى كەرەك. وسى ماقساتتارعا جەتۋ ءۇشىن, ەڭ الدىمەن, دەنساۋلىق ساقتاۋ سالاسىنداعى ەڭ ماڭىزدى قاۋىپتەردى جويۋ كەرەك», - دەپ اتاپ ءوتتى بۇۇ.