وتكەن جىلى تەكەلىنىڭ اگرارلارى وندىرگەن اۋىل شارۋاشىلىق ونىمدەرىنىڭ جالپى قۇنى 3,6 ملرد تەڭگەنى قۇرادى. ال كەنشىلەر قالاسىندا ەلۋدەن استام جەكە شارۋا قوجالىعى بار. ولاردىڭ اراسىندا جەر يگەرۋدەن باستاپ دايىن ءونىم شىعارۋعا دەيىن قول جەتكىزگەن تابىستى ۇجىمدار جەتكىلىكتى.
مىسالعا, قالاداعى «قاجەنوۆ» شارۋا قوجالىعى جەمىس-جيدەك پەن ءجۇزىم وسىرۋگە ماماندانعان. وتكەن جىلى 8,73 گەكتار اۋماققا ءجۇزىمنىڭ شىعىمى مول ەليتالىق كوشەتىن وتىرعىزىپ, وندىرگەن ءونىمى ءۇشىن 15,5 ملن تەڭگە شاماسىندا سۋبسيديا الدى. مال شارۋاشىلىعىن دامىتۋدى «ايان» شارۋا قوجالىعى قولعا العان. اسىلدى تۇقىمدى مال وسىرۋدە. دايىن ەت ونىمىمەن تەكەلىنى عانا ەمەس, تالدىقورعان قالاسىن دا قامتىپ وتىر. مەملەكەت شارۋانىڭ بۇل باعىتتاعى جۇمىسىن ىنتالاندىرىپ, شىعىنداردى 13,5 ملن تەڭگەگە دەيىن سۋبسيديالاپ, وتەپ بەردى. سول سياقتى «الما-داريا» شارۋا قوجالىعى دا ءسۇت ونىمدەرىن دايىندايدى. تۇرعىندار تارىپان سقۇرانىس بار, ءوندىرىس كولەمىن ۇلعايتۋ ۇستىندە. وتكەن جىلى ءسۇتتى قايتا وڭدەيتىن شاعىن تسەح ىسكە قوستى. جاڭا تەحنولوگيامەن جۇمىس ىستەيتىن قوندىرعىلار ساتىپ الدى.
جالپى, تەكەلى قالاسىنىڭ الەۋمەتتىك-ەكونوميكالىق باعىتتاعى دامۋى ىلگەرلەۋ ۇستىندە. قالا اكىمى باقتيار ونەرباەۆتىڭ ايتۋىنشا, وتكەن جىلى 1274 ادام جۇمىسپەن قامتىلعان. ياعني, ءۇش جۇزدەن استام جاڭا جۇمىس ورنى اشىلعان.
قالماحانبەت مۇقامەتقالي,
«Egemen Qazaqstan»
الماتى وبلىسى