استانادا بىرىنشى كەزەكتە گاز تارتىلاتىن اۋداندار بەلگىلى بولدى. بۇل تۋرالى ەلوردا اكىمىنىڭ ءباسپاسوز قىزمەتى حابارلادى.
«استانانى گازداندىرۋ جوباسى 3 كەزەكتەن تۇرادى. ءبىرىنشى بولىكتە گاز بەرۋ اگرس-1, جەو-1 جانە جەو-3 (سۋ جىلىتقىش قازاندار جانە مازۋت قازاندارى), سۋ جىلىتقىش قازاندار اگتس-2 جانە تەتس-2 (2-ءشى وك) جۇزەگە اسىرىلاتىن بولادى», - دەپ مالىمدەدى سارسەنبى كۇنى وتىن-ەنەرگەتيكالىق كەشەن جانە كوممۋنالدىق شارۋاشىلىق باسقارماسىندا.
ەكىنشى كەزەكتە ميچۋرينو, ينتەرناتسيونالنىي, كۇيگەنجار جانە پرومىشلەننىي, تەلمان, پريگورودنىي, Garden Village, Family Village تۇرعىن الاپتارىن گاز وتىنىنا اۋىستىرۋ جوسپارلانۋدا. ءۇشىنشى كەزەكتە يلينكا,شۇبار, ءوندىرىس تۇرعىن الاپتارى گازداندىرىلاتىن بولادى.
«وسى جىلدىڭ ءىى توقسانىندا ءى كەزەكتەگى گاز تاراتۋ جەلىلەرىنىڭ قۇرىلىسى باستالادى دەپ جوسپارلانۋدا. قارجىلاندىرۋدىڭ بولىنۋىنە قاراي كوكتال-1,2, تەمىرجول جانە وڭتۇستىك-شىعىس تۇرعىن ءۇي الاپتارى 2019-2023 جىلدار ارالىعىندا گازداندىرىلماق. استانانى گازداندىرۋ رەسپۋبليكالىق جانە جەرگىلىكتى بيۋدجەت, سونداي-اق جەكە ينۆەستيتسيالار قاراجاتى ەسەبىنەن جۇزەگە اسىرىلعالى وتىر. قالانى گازداندىرۋ شەڭبەرىندە استانا اكىمدىگىنىڭ قۇزىرەتىنە گاز تاراتۋ جەلىلەرىنىڭ قۇرىلىسى كىرەدى», - دەلىنگەن حابارلامادا.