سارى «موسكۆيچ»

جاس سۋرەتشىلەر وداعى جاساپ شىق­­­قان ايرىقشا ارت-نىسان كونە شا­ھاردىڭ وتكەنى مەن بۇگىنىن ساباق­تاس­تىرىپ تۇرعانداي اسەرگە قال­دىرادى. تۋىندىگەرلەردىڭ بۇل يدەياسىنا شاكەن ايمانوۆتىڭ 1957 جىلى جارىق كورگەن ء«بىزدىڭ سۇيىكتى دارىگەر» فيلمىندەگى سارى «موسكۆيچ» ارقاۋ بولىپتى. 

«گازدار»-«مازدار», 

«موسكۆيچتەر», «ۆولگالار», 

زۋلا-زۋلا, زۋلا تەمىر جورعالار» – دەپ ءبىر كەزدەرى مۇقاعالي ولەڭگە قوسقان مۇنداي كولىكتەردى ىلۋدە بىرەۋ بولماسا, قازىر قالا كوشەلەرىنەن كەزدەستىرە بەرمەيسىز. ال كولىك كابيناسىنا لىق تولتىرىلعان جاساندى جەمىس الما­تىنىڭ اسەم اپورتىن ەسكە سالارداي. شاھاردىڭ ازەلگى تۇرعىندارى ول كەز­دەرى قازىرگىدەي اعىلىپ جاتقان كو­لىك جوق ەدى, وسىنداي كولىكتەر مەن تاڭنان كەشكە دەيىن تىنىم تاپپايتىن ترامۆايلار كوشەلەردىڭ ءسانى بولاتىن دەپ ەسكە الادى. زامان اعىسىنا ساي ترامۆايلار دا كوزدەن تاسا بولىپ, ونىڭ ورنىن جەراستى مەترولارى مەن جۇردەك اۆتوبۋستار باسقالى قاشان. تۇرعىندار بۇل ونەر تۋىندى­سىن كوزدەن كەتسە دە كوڭىلدەن كەتپەيتىن سىرلى ساتتەرگە, جاستىق مەكە­نىنىڭ جانعا جايلى شاقتارىنا ساپار شەكتىرەتىن اسەرلى ەستەلىك دەپ ەسەپتەيدى.

وتكەننەن ءنار الماي ەرتەڭىڭدى ەلەستەتۋ مۇمكىن ەمەس. وسىنى ەسكەرگەن مىڭ بوياۋلى مەگاپوليس ەجەلگى ال­ما مادەنيەتىن وزىنە قايتارعىسى كەلەتىندەي. بىلتىر شاھاردا تۇڭعىش رەت الما مۋزەيى اشىلعان بولاتىن. ال­ماعا قاتىسى بار اڭىزدار مەن ەر­تە­­گىلەر, المانىڭ الەمگە قا­لاي تا­را­­عانى تۋرالى اڭگىمەلەر, باقشا­شىلىق جانە المانىڭ تاساسىنداعى تىلسىم ماندەرگە بويلاتاتىن تىڭ اقپاراتتاردىڭ بارلىعىن وسى جەردەن تابۋعا بولادى. ءدامى تۇگىل ءتۇرى دە ەسى­­­­مىز­دەن شىعۋعا شاق قالعان الەم ت­ا­نىعان الماتى اپورتى سوڭ­عى ۋا­قىتتارى قايتا جاڭعىرتىلا باستاعا­نىن گازەتىمىزدىڭ وتكەن ساندا­رىنىڭ بىرىندە سۇيىنشىلەگەن ەدىك.

ال قالا كوشەسىندە وقشاۋلانىپ تۇر­عان الما تولتىرىلعان سارى «موس­كۆيچ» اكەلەرىمىزدىڭ ستۋدەنتتىك ساتتە­رىنىڭ سارعايعان ساعىنىشى سەكىلدى ەلەستەيدى.

ارمان وكتيابر,

«Egemen Qazaqstan»

الماتى