2017-2018 جىلدارى 200-دەن استام قازاقستاندىق تۋريستەر 153 ملن. تەڭگەدەن استام سوماعا الداعان 10 استام الاياق-كومپانيالاردىڭ قۇربانى بولدى دەپ حابارلايدى «تۋريستىك قامقور» كورپوراتيۆتىك قور ءباسپاسوز-قىزمەتى.
اتاپ ايتقاندا, 2017 جىلى تۋرفيرمالار تاراپىنان الاياقتىق ءىس-ارەكەتتەردىڭ 4 جاعدايى تىركەلگەن. وننان استام ادام 16 ملن. تەڭگەدەن استام زيانمەن جالعىز-تۋرفيرمالاردىڭ زاڭسىز ءىس-ارەكەتىنەن زارداپ شەكتى.
مىسالى, 23 جاسار كاسىپكەر 2017 جىلعى ساۋىردە Instagram ارقىلى تۋرلاردى ساتۋدى ۇيىمداستىرىپ, الداۋ جولىمەن جانە سەنىمدى تەرىس پايدالانىپ ءتورت جابىرلەنۋشىگە دومينيكان رەسپۋبليكاسىنا جانە بىرىككەن اراب امىرلىگىنە تومەن باعامەن جالپى 4,4 ملن. تەڭگە سوماسىنا تۋرلاردى ۋادە ەتكەن.
سول جىلدىڭ تامىزىندا تۋريستىك جولدامالاردى ۇسىنىپ, 10 ملن. تەڭگەنى الداۋ جولىمەن يەمدەنگەن استاناداعى تۋريستىك كومپانيا باسىشىسىن قىلمىستىق جاۋاپكەرشىلىككە تارتۋ تۋرالى پوليتسياعا ءوتىنىش كەلىپ ءتۇستى.
ءسال كەيىنىرەك, قازاندا استانالىق تۋرفيرمانىڭ باس ديرەكتورى جاۋاپكەرشىلىككە تارتىلدى. شەتەلگە تۋردى ۇسىنىپ, ەر ادام الداۋ جولىمەن استانانىڭ 57 جاسار تۇرعىنىنىڭ 1 ملن. استام تەڭگە سوماسىن يەمدەنگەن.
تۋرا سول ايدا چەحياعا بيلەت ساتىپ العان, كۇيەۋىمەن تۋرفيرمانى تاڭداعان ايەل ادام پوليتسياعا جۇگىندى. ۇشار قارساڭىندا ولارعا تۋرفيرمادا بەلگىلى پروبلەمالار تۋىنداعانى حابارلاندى. ايەل ادام ولاردىڭ بيلەتتەرىنىڭ برونى جويىلعانىن اڭعاردى. كەيىن تۋرفيرمانىڭ الاياقتىق ءىس-ارەكەتتەرىنەن باسقا قۇربان شەككەندەر دە پوليتسياعا ارىزبەن جۇگىندى. ديرەكتور تۇتقىندالدى.
سونىمەن بىرگە, 2018 جىلى 200 ادام 7 تۋرفيرمانىڭ جانە ولاردىڭ مەنەدجەرلەرىنىڭ الاياقتىق ءىس-ارەكەتتەرىنەن جالپى سوماسى 137 ملن. تەڭگەگە جابىرلەندى.
اتاپ ايتقاندا, شىلدەنىڭ وزىندە تۋرفيرمالار تاراپىنان الاياقتىقتىڭ 4 فاكتىسى تىركەلدى.
مىسالى, الماتىداعى تۋريستىك كومپانيا 30 قازاقستاندىقتى 19 ملن. تەڭگەگە الداعان. فيرما تۇركياعا جولدامالاردى ارزان باعامەن ساتقان. زارداپ شەككەندەردىڭ سوزدەرىنشە, ولارعا قوناق ۇيدە برون راستالماعاننان كەيىن كۇمان تۋىنداي باستاعان.
تۋرا سول ايدا الماتىدا تۋرفيرمانىڭ الاياقتىق ءىس-ارەكەتتەرىنەن 10 ادام زارداپ شەككەن. شىعىن سوماسى 10 ملن. تەڭگەدەن استى.
47 ءۇندىس ءتۋريسى قازاقستانعا كەلمەك بولىپ, قۇجاتتارادى رەسىمدەۋ مىندەتىن العان فيرماعا 5 ملن. تەڭگە تولەگەن. كەيىن انىقتالعانداي, فيرما ولارعا ۆيزانى رەسىمدەمەگەن بولىپ شىقتى, اقشانى دا قايتارماعان.
باسقا جاعداي 2018 جىلعى ماۋسىمدا قاراعاندىدا ورىن الدى. دەم الۋعا ۇشا الماعان جانە تولەنبەگەن بيلەتپەن قوناق ۇيدە جانە قارىز قولحاتتارىمەن قالعان 18 ادام پوليتسيا ارقىلى تۋراگەنت ديرەكتورىنا ىزدەۋ سالدى.
ال قىركۇيەكتە وسكەمەندە 60-تان استام ادام تۋرمكومپانيالاردىڭ ءىس-ارەكەتتەرىنەن زارداپ شەكتى. ديرەكتورعا قاتىستى قىلمىستىق ءىس قوزعالدى. كەلتىرىلگەن شىعىن سوماسى 30 ملن. تەڭگەنى قۇرادى.
قازان ايىندا 50 ادام الاياق كومپانيادان وڭتۇستىك كورەياعا تۋر ساتىپ الدى. زيان شەككەندەر ءتيىستى ارىزدارىمەن پوليتسياعا جۇگىندى. كەلگەن شىعىننىڭ جالپى سوماسى – 17 ملن. تەڭگە.
جەلتوقساندا اقتوبەدە تۋرفيرما مەنەدجەرى 56 ملن. تەڭگەنى جىمقىرىپ, قاشىپ كەتكەن. سوتتا وكىل حابارلاعانداي, ورىن الماعان دەمالىستا كومپانيانڭ كىناسى جوق. ولاردىڭ مەنەدجەرى كليەنت اقشالارىمەن قاشىپ كەتكەن بولىپ شىقتى. تۋرفيرمانىڭ ءوزى زارداپ شەگۋشى جاق بولىپ سانالىپ, مەنەدجەردى حالىقارالىق ىزدەۋگە سالعان.
بارلىعى 2010 جىلدان بەرى جىل سايىن چارتەرلىك اۆياكومپانيالاردىڭ پروبلەمالارىنا ۇلاسىپ جاعدايلار ورىن الىپ وتىرعان. وسى ۋاقىت ارالىعىندا 12 مىڭنان استام ادام زارداپ شەككەن, ال شىعىن سوماسى ون ميلليون دوللاردن اسىپ تۇسكەن.
قزاقستان رەسپۋبليكاسى ازاماتتارىنىڭ قۇققىتارىنا كەپىلدىك بەرۋ جۇيەسى پايدا بولعان ساتتەن باستاپ شىعۋ ءتۋريزمى سالاسىنداعى جۇيە باسقارۋشىسى «تۋريستىك قامقور» كورپوراتيۆتىك قور (كق) ەكەنىن ەستەرىڭىزگە سالامىز, شەتەلگە دەمالۋعا شىعاتىن قازاقستاندىقتارعا وسى ارالىقتا 623 مىڭ تۋركود بەرىلدى.
تۋر-كود – ءسىزدىڭ شەتەلدەگى قاۋىپسىزدىك دەمالىسىڭىزدىڭ كەپىلى
2017 جىلدان باستاپ قازاقستاندىق تۋريستەرگە شەتەلگە دەمالىسقا تۋركودپەن شىعۋ ۇسىنىلادى. ارنايى قۇرىلعان «تۋريستiك قامقور» كق شەتەلدە كەلەڭسىز جاعدايعا ۇشىراعان وتانداستارعا ەلگە ورالۋعا كومەك كورسەتۋ ءۇشىن قىزمەت ەتەدى. ءبىرىنشى كەزەكتە ادال ەمەس تۋرفيرمالاردىڭ قىزمەتىنەن زارداپ شەككەندەرگە قاتىستى. ءسويتىپ, قازاقستان تۋريستەرى تۋركود بولعان كەزدە توتەنشە جاعدايلاردا كەپىلدەندىرىلگەن قولداۋعا يە بولا الادى.
تۋريستىك كودتى تۋروپەراتورعا جارنانى (0,5 اەك -1 202 تگ. تۋريست ءۇشىن. بۇل سومانى تۋريست ءۇشىن تۋروپەراتور تولەيدى) تولەگەننەن جانە بانك كەپىلىن (12 ملن. تگ مەن 36 ملن. تگ ارالىعىندا) ۇسىنعاننان كەيىن قور بەرەدى.
تۋركود دەگەن نە؟ تۋريستىك كود 11-13 (شىعۋ ەلىنە بايلانىستى) ءارىپ-تسيفرلىق سيمۆولدان تۇرادى. ول ءار جولدامانى رەسىمدەگەن كەزدە اۆتوماتتى تۇردە بەرىلەدى. بۇل شيفر ءار تۋريست ءۇشىن بىرەگەي بولىپ تابىلادى. توتەنشە جاعداي تۋىنداعان جاعدايدا تۋريست قورمەن بايلانىسقا شىعادى, ءوز تۋركودىنىڭ ءنومىرىن حابارلايدى جانە الداعى 24 ساعات ىشىندە جەدەل كومەكتى كۇتەدى.
«تۋريستىك قامقور» قورى 2016 جىلعى 7 قاراشادان باستاپ جۇمىس ىستەيدى.