پرەزيدەنت جاستاردىڭ بۇگىنى مەن بولاشاعىنا قامقورلىق جاساۋدى ءوز ساياساتىنىڭ نەگىزگى ءمانى دەپ سانايدى. ول جىل سايىنعى ءداستۇرلى جولداۋلارىندا جاستار ساياساتىن جەتىلدىرۋ بويىنشا ىرگەلى تاپسىرمالار بەرىپ جۇرگەنى بەلگىلى, ويتكەنى جاستار قوعامنىڭ ءبىر بولىگى رەتىندە مەملەكەتتە ماڭىزدى ءرول اتقارادى.
ن.ءا.نازارباەۆ: «جاس ۇرپاققا قامقورلىق, ونىڭ قازىرگى ءومىرى مەن بولاشاعى ءۇشىن قام جەۋ قاشاندا مەنىڭ ساياساتىمنىڭ باستى ماعىناسى بولعان. ءاربىر جاس قازاقستاندىقتىڭ جاقسى ءبىلىم الاتىن, وتباسىن قۇراتىن, جەكە تۇرعىن پاتەرگە يە بولاتىن مۇمكىندىگى بار» – دەدى.
بيىلعى جىل جاستار جىلى بولعاندىقتان, جاستارعا ارتىلار ءۇمىت تە مىندەت تە كوپ بولماق. قوعامنىڭ ماڭىزدى بولىگىن قۇرايتىن جاستارعا كەڭ مۇمكىندىك بەرىلدى. ەندى جاستارعا يگى ىستەر مەن جاڭا باستامالار باستايتىن مۇمكىندىك تۋىندادى.
شىنىندا دا «جاستار جىلى» − جالىنداعان جاس قاۋىمنىڭ جۇرەگىندە تۋىنداعان تالاي يدەيانى جۇزەگە اسىرۋعا مۇمكىندىك بەرەتىن تاماشا كەزەڭ. ءوزىمنىڭ زامانداستارىمدى بولاشاققا سەنىممەن اياق باسۋعا, ەلباسى ورتاعا تاستاعان باستامالاردى بەلسەندى قولداۋعا شاقىرامىن.
ءبىز, جاستار, قاشان دا پرەزيدەنتىمىزدىڭ قوعامدى العا باستىرار يدەيالارىن قۋانا قولداپ, ونى جالعاستىرىپ جۇرەمىز. ەلىمىز, ەلباسىمىز «بالام» دەپ ءبىزدىڭ بەلىمىزدى بۋىپ جاتسا, ءبىز دە «ەلىم» دەپ ەرىنبەي ەڭبەك ەتۋگە ءازىرمىز. العا, قازاقستان جاستارى! ءبىز ەلباسىمەن بىرگەمىز!
ءبىزدىڭ كىتاپحانامىزدا دا جاس ماماندار, جاس قىزمەتكەرلەر جۇمىس ىستەيدى. «جاستار ەل بولاشاعىنىڭ دامۋىنىڭ كۇشى» – دەپ ەلباسىمىز ايتقانداي, جاستار – ۇلكەن كۇش, جاستار دەگەنىمىز – جالىن وت, جاس جۇرگەن جەر – مەرەكە. كىتاپحانادا اقنيەت كوشەربايقىزى, اياۋلىم زەينەكەن, لاۋرا سۇلتانبەكوۆا, نۇرسۇلتان ءابجانوۆ, جانات ەسەنامانوۆا, ازاتگۇل قايناقاەۆا, جالعاس ءامىرحان, گۇلجان وتەگەنوۆا سىندى جاستار جۇمىس جاسايدى. جاستاردىڭ ۇيىمداستىرۋىمەن كىتاپحانادا كوپتەگەن شارالار ءوتىپ جاتىر. الماتى قالاسىندا وتكەن بۇكىلقازاقستاندىق كىتاپحاناشىلار سەزىنە جاس مامان رەتىندە لاۋرا سۇلتانبەكوۆا قاتىسىپ كەلدى. اياۋلىم زەينەكەن ايتىسكەر اقىن سىرىم اۋەزحانمەن كەزدەسۋ كەشىن وتكىزدى. اقنيەت كوشەربايقىزى ء«ىزتاي وقۋلارىنا» قاتىسىپ باس جۇلدەگە يە بولدى. باسقا دا جۇمىستارعا جاستارىمىز بەلسەنە قاتىسادى.
ارىستانداي ايباتتى,
جولبارىستاي قايراتتى –
قىرانداي كۇشتi قاناتتى
مەن جاستارعا سەنەمiن!
كوزدەرiندە وت وينار,
سوزدەرiندە جالىن بار,
جاننان قىمبات ولارعا ار,
مەن جاستارعا سەنەمiن! – دەپ ماعجات جۇماباەۆ اتامىز جىرلاعانداي جالىندى جاستارعا ۇلكەن سەنىم ارتىلادى. ەندى جاستاردىڭ مىندەتى – ءبىلىم الىپ, ەلگە قىزمەت ەتۋ. مەملەكەتىمىز وركەندەپ ءوسۋى ءۇشىن ادال قىزمەتتەر اتقارۋ. بيىلعى جاستار جىلى ۇلكەن جاڭالىقتارعا تولى بولسىن دەپ تىلەيمىز. جاڭا باستامالاردان جاقسىلىقتار كۇتەمىز.
لاۋرا ەرىكقىزى,
س.جيەنباەۆ اتىنداعى وبلىستىق جاسوسپىرىمدەر كىتاپحاناسىنىڭ قىزمەتكەرى
اقتوبە