الماتى وبلىسى اقسۋ اۋدانىنىڭ قىزىلاعاش اۋىلىندا رەسپۋبليكالىق «قىران» فەدەراتسياسى مەن وبلىستىق دەنە شىنىقتىرۋ جانە سپورت باسقارماسىنىڭ ۇيىمداستىرۋىمەن «سالبۋرىن – 2019» قۇسبەگىلەر سايىسى ءوتتى.
ەلباسى نۇرسۇلتان نازارباەۆتىڭ « ۇلى دالانىڭ جەتى قىرى» اتتى ماقالاسىنىڭ اياسىندا اشىلعان سايىسقا ەلىمىزدىڭ تۇكپىر-تۇكپىرىنەن 25 كانىگ اڭشى جينالىپ, يت جۇگىرتىپ, قۇس سالدى. «جەتىسۋ», «التاي», «ارقا», «ەرەنقابىرعا», «تارباعاتاي» اتاۋىمەن 5 توپقا بولىنگەن ساياتشىلار ءوزارا دوداعا ءتۇستى. ەكى كۇنگە سوزىلعان سايىستا بايىرعى اڭشىلاردىڭ قىران قۇستى باپتاۋ مەن تازى ءيتتى اڭ الۋعا ۇيرەتۋگە قاتىستى تاعىلىمدى اڭگىمەلەرى شەرتىلىپ, اڭشىلار قوسىندا اس دايىنداۋ سياقتى ەجەلگى داستۇرلەرگە كەزەك بەرىلدى. ال قۇس سالىپ, يت جۇگۇگىرتىپ اڭعا شىعۋدىڭ قىزىعى تىپتەپ كەرەمەت بولدى. سايىستىڭ ەكىنشى كۇنى تاۋ اراسىنان اڭ قاعۋ بويىنشا وتكەن كوماندالىق جارىستا «ارقانىڭ» توبى 1 تۇلكى, 1 قويان اۋلاسا, «جەتىسۋ» توبى 3 قويان, مەن 3 قىرعاۋىل ۇستاپ ولجالى قايتتى.
جەڭىمپازدارعا «قىران» فەدەراتسياسىنىڭ اتقارۋشى ديرەكتورى باعدات مۇپتەكەقىزى ارنايى جۇلدە تابىس ەتتى. «سالبۋرىن-2019» سايىسىنا قاتىسىپ, جاس بۋىنعا ماعىنالى اگىمە ايتىپ, ءداستۇرلى ونەردەن ءدارىس بەرگەن بايىرعى بۇركىتشىلەر ماعازىل ماجىكەن, مۇرات ۇزاقوۆ, تۇسەي ابدىكەرى اقساقالداردىڭ يىعىنا شاپان جاۋىپ, ءىلتيپات تانىتتى. ال سايىستىڭ بيىلعى جەڭىمپازى «جەتىسۋ» كومانداسى بولدى. ول توپقا ارنايى كۋبوك تابىستالدى. جەڭىمپاز دەپ تانىلىپ, كۋبوك تابىستالدى. ەكىنشى ورىن «ارقا» كومانداسىنا, ءۇشىنشى ورىن «التاي» توبىنا بۇيىردى.
قالماحانبەت مۇقامەتقالي,
«Egemen Qazaqstan»
الماتى وبلىسى