ۇلى اباي مەن شاكارىم مۇرالارىن تەرەڭ ناسيحاتتاۋدا ابايدىڭ «جيدەباي-ءبورىلى» مەملەكەتتىك قورىق-مۋزەيى قوماقتى ەڭبەك ءسىڭىرىپ ءجۇر. ەلباسى جولداۋىنا وراي 2019 جىلدى «جاستار جىلى» دەپ جاريالانعان ساتىنەن باستاپ, مىنە, بىرقاتار شارالاردى جۇزەگە اسىرۋدا.
-بۇگىن شاكارىم قۇدايبەردى ۇلىنىڭ ءومىرى مەن شىعارماشىلىعىنا ارنالعان «مۇتىلعاننىڭ تاعدىرى» اتتى سايىس ۇيىمداستىرىپ وتىرمىز,-دەدى ابايدىڭ مەملەكەتتىك قورىق-مۋزەيى ديرەكتورىنىڭ عىلىمي جۇمىستار جونىندەگى ورىنباسارى مەيرامگۇل قايرامباەۆا,-اتالمىش شاراعا نۇرسۇلتان نازارباەۆتىڭ قاتىسۋىمەن اشىلعان «جاستار جىلىنىڭ» سالتاناتتى راسىمىنە قاتىسقان جەرلەسىمىز, جاس اقىن, «دارىن» مەملەكەتتىك جاستار سىيلىعىنىڭ لاۋرەاتى مەرەي قارت ءبىلىم سايىسىنىڭ قۇرمەتتى قوناعى رەتىندە قاتىستى. جاستارعا ءوزىنىڭ اقجارما تىلەگىن جەتكىزدى. سونداي-اق, ۇمىتتەرىن ۇكىلەپ كەلىپ وتىرعان سايىسكەرلەرگە ساتتىلىك تىلەدى.
مەيرامگۇل قايرامباەۆانىڭ ايتۋىنشا, داستۇرگە اينالعان ءدۇبىرلى سايىستى وتكىزۋدەگى باستى ماقسات – ابايدىڭ اقىن شاكىرتى, جازۋشى, تاريحشى, اۋدارماشى, فيلوسوف, سازگەر شاكارىم قۇدايبەردى ۇلىنىڭ ءومىرىن, ونىڭ مۇراسىن اسىرەسە, اۋىل جاسوسپىرىمدەرى اراسىندا تەرەڭ بىلۋگە ىنتالاندىرۋ جانە كەڭىنەن ناسيحاتتاۋ.
سايىسقا الدىن-الا تاعايىندالعان ءادىل قازىلار قۇرامىندا ابايدىڭ «جيدەباي-ءبورىلى» مەملەكەتتىك قورىق-مۋزەيى ديرەكتورىنىڭ عىلىمي جۇمىستار جونىندەگى ورىنباسارى مەيرامگۇل قايرامباەۆا, شاكارىم اتىنداعى گينازيانىڭ قازاق ءتىلى مەن ادەبيەتى ءپانىنىڭ مۇعالىمى اسقار بەكقاسىموۆ, قالالىق ءبىلىم ءبولىمىنىڭ ادىسكەرى نۇرگۇل بايسارينا بولدى.
ابايدىڭ مەملەكەكەتتىك قورىق مۋزەيى ءباسپاسوز قىزمەتىنىڭ ماماندارى ادىلقازىلار القاسىنىڭ شەشىمىن سايىس قورىتىندىسى بويىنشا جاريا ەتتى. سونىمەن ءى-ورىندى جارقىن مەكتەبىنىڭ وقۋشىسى ەركەجان موتىشەۆا, ءىى-ورىندى زنامەنكا مەكتەبىنىڭ وقۋشىسى ەرنات فايزۋللاەۆ, ءىىى-ورىندى №49 مەكتەپ وقۋشىسى نازىم امانگەلدى قانجىعالارىنا بايلادى. سايىستا كورەرمەندەردى ءوز ونەرىمەن ءتانتى قىلىپ, كوزگە تۇسكەن №23 مەكتەپ وقۋشىسى اقبوتا سەرىكقازينوۆا «كورەرمەن كوزايىمى» نوميناتسياسىنا يە بولدى.
راۋشان قابجانقىزى
«ەگەمەن قازاقستان»
سەمەي