شقو تجد مەن وسكەمەن ق.تجب قىزمەتكەرلەرى «قاۋىپسىزدىك ءيىسى» اتتى ەرەكشە اكتسيا وتكىزدى. قۇتقارۋشىلار قالا تۇرعىندارى مەن كورشى اۋدانداردان كەلەتىن ازاماتتاردىڭ ەڭ كوپ باراتىن اۆتوكولىك بازارىندا جوعارى وتىمدىلىكتى ارنايى تەحنيكالاردىڭ كورمەسىن ۇيىمداستىردى. بۇل تۋرالى وسكەمەن قالاسى تجب قىزمەتىنىڭ ءباسپاسوز قىزمەتى حابارلادى.
ونى كورسەتكەننەن كەيىن قۇتقارۋشىلار ساتىپ الۋشىلار مەن نارىققا كەلۋشىلەردى داۋىس زورايتقىش بايلانىسى ارقىلى قىسقى كەزەڭدە جولداعى ءجۇرىس-تۇرىس قاعيدالارى جانە ەگەر قار قۇرساۋىندا قالساڭ, قالاي ارەكەت ەتۋ كەرەكتىگى تۋرالى قۇلاقتاندىردى. اكتسيا كەزدەيسوق وتكەن جوق, وتكەن اپتادا عانا اۋا-رايىنىڭ كۇردەلى جاعدايىنا بايلانىستى وبلىس تراسسالارىنىڭ بىرىندە وتكەل پايدا بولدى, بۇل 231 بىرلىك تەحنيكا مەن 700-دەن استام ادام سانىنداعى اۆتوكولىكتەردىڭ جۇرۋىنە قيىندىق تۋعىزدى جانە ولار قار قۇرساۋىنىندا قالدى.
ناعىز, ەڭ باستىسى تج قىزمەتىنەن شۇعىل قىزمەت تەلەفوندارى بەينەلەنگەن اۆتوۆوكزال ماڭايىندا ورنالاسقان اۆتوكولىك جانە اۆتوبۋس جۇرگىزۋشىلەرىنە ارنالعان حوش يىستەندىرگىشتەر بولدى. اكتسيامەن بارلىعى 200-دەن استام اۆتوكولىك يەلەرى قامتىلدى.
«حوش يىستەندىرگىشتەر «يىسىمەن» عانا نازار اۋدارمايدى, سونداي-اق توتەنشە جاعدايلاردا ادامداردىڭ ءومىرىن ساقتاپ قالاتىن تەلەفون نومىرلەرىن ەسكە سالادى. «قاۋىپسىزدىك ءيىسى» اكتسياسى قاۋىپسىزدىك ماسەلەلەرىن ساقتاۋعا ازاماتتاردىڭ نازارىن اۋدارۋعا باعىتتالعان», - دەدى توتەنشە ۆەدومستۆولاردىڭ ۇيىمداستىرۋشىلارى.
قۇتقارۋشىلار داۋىلدى الدىن الا ەسكەرتۋ تۋرالى اقپارات كەلىپ تۇسكەن كەزدە جۇرگىزۋشىلەردى قالادان تىس جەرلەرگە شىعۋدان ەسكەرتتى.