شىمكەنتتە قوعامدىق كولىكتەردىڭ قايدا كەلە جاتقانىن كورسەتەتىن «ShymQala» قوسىمشاسى ىسكە قوسىلدى.
قازىرگە ءموبيلدى قوسىمشا قالاىشىلىك №141, 147, 147ا, 148ا, 148ب, 102شا, 109شا, 118شا, 26 باعىتتارىنا پيلوتتىق رەجيمدە ەنگىزىلگەن. الداعى ۋاقىتتا سمارت قوسىمشا وڭ جەمىسىن بەرىپ جاتسا شاھارداعى بارلىق اۆتوبۋس باعىتتارىنا ورناتىلماق.
«جۇكتەلگەن قوسىمشادا اۆتوبۋستار بەلگىلەنگەن كارتا بولادى. وندا قولدانۋشى وزىنە قاجەتتى بولعان باعىتتى تاڭداۋ ارقىلى اۆتوبۋستىڭ قاي جەردە كەلە جاتقانىن دا بىلە الادى. بۇل ءوز كەزەگىندە تۇرعىنداردىڭ ايالدامادا ۇزاق ۋاقىت تۇرىپ قالۋ ماسەلەسىن جەڭىلدەتەدى», دەيدى قالالىق جولاۋشىلار كولىگى جانە اۆتوموبيل جولدارى باسقارماسىنىڭ وكىلدەرى.
اتالعان قوسىمشانى سمارتفون يەلەرى Play Market نەمەسە ارر Store دۇكەندەرىنەن جۇكتەپ الا الادى. Android قۇرىلعىلارى ءۇشىن بۇل ازىرگە سىناق نۇسقاسى, الداعى ۋاقىتتا فۋنكتسياسى جاڭارتىلىپ, پايدالانۋشىلارعا ىڭعايلى ەتىپ جاسالماق. سونداي-اق Ios (IPHONE, IPAD, IMAC) جۇيەسى ءۇشىن دە جاڭا نۇسقا ازىرلەنەدى.