ۇكىمەتتىڭ كەڭەيتىلگەن قۇرامداعى وتىرىسىندا مەملەكەت باسشىسى اۋىل شارۋاشىلىعى سالاسىنا قاجەتتى قاراجاتتى ءبولۋدى تاپسىردى.
«اۋىل شارۋاشىلىعى سالاسى بولاشاقتا ەكونوميكانى دامىتۋدىڭ نەگىزگى درايۆەرى بولاتىنىن ۇنەمى ايتىپ ءجۇرمىز. بارلىق ەلدەر وزدەرىنىڭ جەرلەرىن يگەرىپ بولدى. وسى ورايدا, تەحنولوگيالىق جەتىستىكتەردىڭ ەڭ جوعارى شىڭىنا شىقتى. دۇنيە جۇزىندەگى يگەرۋگە بولاتىن قالعان جەر قازاقستان, رەسەي, ۋكراينادا قالدى», - دەدى ەلباسى.
بۇدان ءارى نۇرسۇلتان نازارباەۆ ەلدەگى اۋىل شارۋاشىلىعى جەرلەرىن ءتيىمدى پايدالانۋ قاجەت ەكەنىن ايتتى.
«ەگەر دە بارلىق ەلدەر اقش-تاعى سەكىلدى ازىق-ت ۇلىكتى كوبىرەك تۇتىناتىن بولسا, الەمدەگى ازىق-ت ۇلىك 2,5 ملرد ادامعا عانا جەتەدى. 2040 جىلى جەر بەتىندە 8,9 ملرد حالىق بولادى. سوندىقتان اۋىل شارۋاشىلىعى ونىمدەرىنە سۇرانىستىڭ ارتۋىنا بايلانىستى بارلىعى بىزگە كەلەدى. وسى ۇردىستەرگە دايىندالۋ كەرەك. اۋىل شارۋاشىلىعى سالاسىنىڭ الەۋەتىنە جەكەلەي قاراۋ قاجەت. قانشا قارجى كەرەك بولسا, سونى بەرەيىك. بىراق ناقتى ناتيجەگە قول جەتكىزۋ كەرەك», - دەدى مەملەكەت باسشىسى.
بۇل ماسەلەنى قاداعالاۋدى ەلباسى پرەمەر-مينيستر باقىتجان ساعىنتاەۆقا تاپسىردى.
مارجان تىلەۋبەك,
«ەگەمەن قازاقستان»