قۇرلىقتىق حوككەي ليگاسىنىڭ (قحل) كەزەكتى تۋر ويىنىن نوۆوسىبىردە وتكىزگەن «بارىس» جەرگىلىكتى «سيبيردەن» قوسىمشا ۋاقىتتا ۇتىلدى.
ءبىرىنشى كەزەڭدە قوس كوماندا ءبىر-ءبىرىنىڭ قاقپا كىلتىن تابا المادى. كورەرمەندەر تەك 33 مينۋتتا العاشقى گولدىڭ كۋاسى بولدى. قوناقتاردىڭ ءسال كىبىرتىكتەپ قالعانىن ۇتىمدى پايدالانعان دجوردان كەرون ايدىن يەلەرىن العا شىعاردى. ءۇشىنشى كەزەڭنىڭ بەل ورتاسىندا ماكسيم سەميونوۆ تارازى باسىن تەڭەستىردى. وسىلايشا, ويىن وۆەرتايمعا ۇلاستى. قوسىمشا ۋاقىتتا جيلبەر بريۋلە سوققان شايبا «سيبيرگە» جەڭىس سىيلادى. ەسەپ – 2:1. ايتەۋىر, كوڭىلگە ءبىر مەدەت بولاتىنى ءنوۆوسىبىر ساپارىنان استانالىق حوككەيشىلەر ءبىر ۇپايمەن ورالدى.
قحل-تىڭ تۇراقتى بىرىنشىلىگىندە «بارىس» التىنشى ورىندا كەلەدى. 53 كەزدەسۋدەن كەيىن جەرلەستەرىمىز 75 ۇپاي جيدى. الدىمىزدا تۇرعان تاعى ەكى كوماندانىڭ دا جيعان ۇپاي قورى ءدال سونداي. الايدا «اۆانگاردتىڭ» (ومبى) بىزدەن ءتورت جانە «لوكوموتيۆتىڭ» ءبىر ويىنى ارتىق. سول سەبەپتى دە ولاردى باسىپ وزۋ ءۇشىن ءبىزدىڭ جىگىتتەردىڭ مۇمكىندىگى مول.
«بارىس» الداعى كۇندەرى مىنا كوماندالارعا قارسى وينايدى: سانكت-پەتەربۋرگتىڭ سكا-سى (31 قاڭتار, ۇيدە), فينليانديانىڭ «يوكەريتى» (2 اقپان, ۇيدە), ۋفانىڭ «سالاۆات يۋلاەۆى» (4 اقپان, قوناقتا), ءنوۆوسىبىردىڭ ء"سيبيرى» (12 اقپان, ۇيدە), قىتايدىڭ «كۋنلۋنى» (14 اقپان, ۇيدە), ومبىنىڭ «اۆانگاردى» (16 اقپان, ۇيدە), ۆلاديۆوستوكتىڭ «ادميرالى» (18 اقپان, قوناقتا), حاباروۆسكىنىڭ «امۋرى» (20 اقپان, قوناقتا) جانە قىتايدىڭ «كۋنلۋنى» (22 اقپان, قوناقتا).
عالىم سۇلەيمەن,
«Egemen Qazaqstan»