الماتىداعى ۇلتتىق كىتاپحانادا بەلگىلى ءبادىزشى سانجار جۇبانوۆتىڭ «كوشپەندىلەر جۇرەگى» اتتى تاس كورمەسى ءوتتى.
كورمەنىڭ اتى ايتىپ تۇرعانداي, مۇنداعى ەكسپوناتتاردىڭ ارقايسىسى كوشپەندىلەردىڭ جۇرەگىندەي جۇمىر, ەرەكشەلىگى دە سوندا. ەڭبەكتەرىنە قاراپ سۋرەتشىنى ءبادىزشى دەپ اتادىق. سانجار جۇبانوۆتىڭ اڭگىمەسىنە قۇلاق تۇرگەندە ونىڭ بۇل يدەياسى باستاپقىدا توسىن بولعانىن ءوزى دە جاسىرمايدى. ول بۇل ونەر ءۇرىم-بۇتاقتىڭ تاڭباسىن تاسقا قاشاۋدى باستاعاندا ويعا ورالدى دەيدى. ەرمەك ءىس وسىلاي دۇنيەگە كەلگەن. كەزىندە ۇزاق جىل الماتى كوركەمسۋرەت ۋچيليششەسىن باسقارعان اكەسىنىڭ قۇرمەتىنە وسى كورمەنى ارناپ ەدى. «كوشپەندىلەر جۇرەگى» كورمەسىندەگى 61 تاس اسپەتتى ورىمدەر ورنەگى دە, سۋرەتشى جانەل جۇبانوۆا دا بۇل توپتامانى ۇيىمداستىرۋ بارىسىندا كوپ جايتقا قانىق ەتكەنىن جەتكىزەدى. سىرباز سۋرەتتەردەن بولەك مونۋمەنتاليست سۋرەتشىنىڭ بۇل كورمەگە ەكى جارىم جىلى كەتكەنىن, اعا-اپكەلەرىنىڭ, اتا-اجەلەرىنىڭ الدىندا پارىز سانايتىن ۇلى مىندەت تۇرعانداي بولعانىن جانەل دە جاسىرا المايدى.
«بۇل كورمەنىڭ ەرەكشەلىگى, بىرنەشە جانردى بىرىكتىرۋى. بۇل عاجاپ نارسە دەر ەدىم. سۋرەتشىلەردىڭ كوشپەندىلەر الەمىن تانىپ, سەزىنە ءبىلۋى قاستەرلى ۇعىم ەكەنىن ۇققانداي بولاسىز − دەيدى ۇلتتىق كىتاپحانانىڭ قىزمەتكەرى تاڭجارىق ورمانبەكوۆ.
ساپارباي پارمانقۇل,
«Egemen Qazaqstan»
الماتى