شقو-عا وڭتۇستىك وڭىرلەردەن 608 وتباسى كوشىپ كەلدى

ەلىمىزدىڭ وڭتۇستىك وڭىرلەرىنەن شىعىسقا قونىس اۋدارعان تۇر­عىن­داردىڭ ماماندىقتارى − قازاق جانە اعىلشىن تىلدەرى, دەنەشىنىقتىرۋ جانە ەڭبەك پاندەرىنىڭ مۇعالىمدەرى, پسيحولوگتار, دارىگەرلەر, بۋحگالتەر­لەر, ەلەكترومونتەرلەر, ۆەتەرينارلار. قازىرگى ۋاقىتتا وبلىسقا قازىق باي­لاعان 483 ەڭبەككە جارامدى ادام­نىڭ 364-ءى وزدەرىنە جۇمىس تاپتى. جەرگىلىكتى بيلىك ولاردىڭ اراسىنداعى كاسىپ اشۋعا نيەتتى ازاماتتارعا ويلارىن ىسكە اسىرۋلارى ءۇشىن 100 اەك (ايلىق ەسەپتىك كورسەتكىش) كو­لە­مىنە دەيىن گرانتتار بولۋدە. گرانت­قا قولى جەتكەن وبلىستىڭ جاڭا تۇر­عىن­دارىنىڭ ءبىرى پەش ساتىپ الىپ, تاندىر پىسىرۋگە كىرىسسە, ەكىنشىسى قو­ناق ءۇي مەن ءدامحانانى جالعا الىپ, شارۋاسىن دوڭگەلەتۋدە. مەملەكەت كوشىپ كەلۋشىلەرگە قونىس اۋدارۋ شىعىندارى مەن باسپانا ساتىپ الۋلارى ءۇشىن سۋبسيديا بەرەدى. ولارعا ارنايى تۇرعىن ۇيلەر دە سالىنۋدا. ماسەلەن, شەمونايحا اۋدانىندا وت­كەن جىلى كوشىپ كەلۋشىلەرگە 60 پا­تەرلى تۇرعىن ءۇي پايدالانۋعا بەرىلدى. 2019 جىلى «سەرپىن» باعدارلاماسى بويىنشا جەرگىلىكتى وقۋ ورىندارىن 208 ستۋدەنت ءتامامدايدى. باعدارلاما شارتىنا سايكەس وقۋ ورنىن بىتىرگەن تۇلەكتەر وسى وبلىستا ءۇش جىلدان كەم ەمەس مەرزىمدە ەڭبەك ەتۋى ءتيىس. 

ء«بىز بۇل ماسەلەگە مەملەكەتتىك مۇددە تۇرعىسىنان قاراۋىمىز قاجەت. وبلىستىڭ شالعايداعى شەكارالىق اۋداندارىنان ادامدار كوشىپ جاتىر. ول جاققا جۇمىس كۇشى كەرەك. ال وڭتۇستىكتە ءبىزدىڭ جاققا كوشىپ كەلۋگە دايار وتىرعان ادامدار بار. ءبىز ولاردى وزىمىزگە تارتۋىمىز قاجەت. مۇنىڭ ەشقانداي ساياسي استارى جوق, قالىپتى ەكونوميكالىق, ۋربانيزاتسيالىق ءۇردىس. وڭتۇستىك وڭىرلەردە حالىق تىعىز قو­نىس­تانعان. ينفراقۇرىلىم نىساندارى – مەكتەپتەر, بالاباقشالار جە­تىسپەيدى. وسى رەتتە تەڭگەرىمدى قام­تا­ماسىز ەتۋ ءۇشىن ەڭبەك رەسۋرس­تارىن دۇرىس بولە ءبىلۋ قاجەتتىلىگى تۋىندايدى», − دەيدى وبلىس اكىمىنىڭ ورىنباسارى اسەم ءنۇسىپوۆا. 

رەتى كەلگەندە ايتا كەتەيىك, قا­زاق­ستاندا ەڭبەك كۇشى ارتىق وڭىر­لەر قاتارىنا الماتى, جام­بىل, تۇركىستان, ماڭعىستاۋ, قى­زىل­وردا وبلىستارى جانە شىم­كەنت قالاسى كىرەدى. 

ازامات قاسىم,

«Egemen Qazaqstan»

شىعىس قازاقستان وبلىسى