سلوۆاكيادا ءوتىپ جاتقان بياتلوننان جاسوسپىرىمدەر اراسىنداعى الەم چەمپيوناتى اياسىندا 3ح7,5 شاقىرىمدىق ەستافەتا اياقتالىپ, قازاقستان قۇراماسى قولاعا قول سوزىم جەردەن توقتادى دەپ جازادى Olympic.kz.
قازاقستان ساپىنان جارىستى ءبىرىنشى بولىپ كيريلل باۋەر باستادى. ول اتۋ كەزىندە ءمۇلت كەتپەي, ءتورتىنشى ورىنعا كوتەرىلدى. كەيىن نيكيتا اكيموۆ جارىس جولىنا شىعىپ, حاتتامادا ەكىنشى ناتيجەنى كورسەتكەن بولاتىن.
ەستافەتانى قابىل العان ۆلاديسلاۆ كيرەەۆتىڭ جىلدامدىعى جوعارى بولدى. الايدا, كوماندالاستارىنا قاراعاندا, اتۋ الاڭىندا ءمۇلت كەتكەن بولاتىن. وسىلايشا, كوشباسشى كوماندادان 41.5 سەكۋندقا قالىپ قويعان قازاقستان قۇراماسى ءتورتىنشى ورىن يەلەنىپ, گۇل سىيلاۋ راسىمىنە قاتىستى.
تاعى ءبىر ايتا كەتەرلىگى, ءبىزدىڭ سپورتشىلار وزگەلەرگە قاراعاندا اتۋدان جاقسى ناتيجە تىركەدى.
التىن جۇلدە گەرمانيا سپورتشىلارىنا بۇيىردى. كۇمىس مەدالدى سلوۆاكيا, قولا مەدالدى يتاليا قۇرامالارى يەلەندى.