تۇركىستان وبلىسىنداعى 707,2 مىڭ گەكتار ەگىستىك جەرلەردىڭ ەلەكتروندىق كارتاسىن تسيفرلاندىرۋ جوسپارلانعان بولسا, ورىندالعانى 687,8 مىڭ گەكتار بولىپ, 97,3%-كە جەتىپ وتىر.
وبلىستىق اۋىل شارۋاشىلىعى باسقارماسىنىڭ باسشىسى ن. بادىراقوۆتىڭ ەسەپتى بايانداماسىنداعى مالىمەتتەرگە قاراعاندا, جەتىساي اۋدانى - 68,2%, ماقتارال اۋدانى - 68,3 %, سارىاعاش اۋدانى - 86,9%, كەلەس اۋدانى - 87%, تولەبي اۋدانى - 88,1% بويىنشا كورسەتكىشتەر تومەن. ال وبلىستاعى جايىلىمدىق جەرلەردى تسيفرلاندىرۋ 35,8%-عا ورىندالعان. جايىلىمدىق جەرلەردى تسيفرلاندىرۋ جۇمىستارىن تۇركىستان قالاسى - 4,9%, سايرام اۋدانى - 6,8%, ماقتارال اۋدانى - 6,7%, كەنتاۋ قالاسى - 9,4% عانا ورىنداپتى. قالعان اۋدانداردا بۇل كورسەتكىش 25,0%-دان 59,6%-عا عانا جەتىپ, تاپسىرما تولىق ورىندالماي وتىر.
عالىمجان ەلشىباي,
«Egemen Qazaqstan»
تۇركىستان وبلىسى