ەدينبۋرگ ۋنيۆەرسيتەتىنىڭ زەرتتەۋشىلەرى ارتريتكە, سونداي-اق راك اۋرۋلارىنا قارسى كۇرەسۋگە قابىلەتتى اقۋىزدارى بار تاۋىق پەن جۇمىرتقا شىعارا باستادى. بۇل تۋرالى BBC News اقپاراتتىق اگەنتتىگى حابارلادى.
جۇمىرتقادا ادامدا بولاتىن ۆيرۋس پەن ينفەكتسياعا قارسى كۇرەستە باسىم ۇلەس الاتىن IFNalpha2a اقۋىزى بار. سونىمەن بىرگە ولار زاقىمدانعان جاسۋشالاردى قايتا قالپىنا كەلتىرەتىن ادام مەن دوڭىزدىڭ ماكروفاگ-CSF دەپ اتالاتىن اقۋىزىن قوسىپ پرەپارات شىعارۋدى دا جوسپارلاپ وتىر.
گەندى موديفيكاتسيالاۋ ارقىلى تاۋىقتاردان ەمدىك جۇمىرتقا الىندى. ولاردىڭ دنق قۇرامىنا ماڭىزدى اقۋىزداردىڭ بولىنۋىنە جاۋاپ بەرەتىن ادامنىڭ گەنى سالىنعان. بۇعان دەيىن دە عالىمدار ەشكى, تاۋىق, قويان سىندى جان-جانۋارلار ارقىلى ادام اقۋىزدارىنىڭ ءتۇرىن جاساپ شىققان بولاتىن. ء«دارى-دارمەكتىڭ كلينيكالىق دوزاسى بار بولعانى ءۇش جۇمىرتقادا بولادى», دەيدى عالىمدار.
ادەتتە, ادام اعزاسىندا ءبىر دارۋمەن جەتىسپەگەننەن اۋرۋعا شالدىعادى. مۇنداي اۋرۋدان قۇرامىندا سول دارۋمەندەر بار ءدارى-دارمەكتى ءىشۋ ارقىلى ايىعۋعا بولادى. عالىمدار مۇنداي دارىلەردىڭ وندىرىستە وندىرىلەتىنىن, الايدا ونى تاۋىقتاردان الۋ 100 ەسە ارزانعا تۇسەتىنىن العا تارتتى.
«تاۋىقتاردان ءونىم الۋ زاۋىتتا وندىرگەنگە قاراعاندا 10-100 ەسە ارزان», دەدى دوكتور ليسسا حەرون. سونداي-اق ول موديفيكاتسيالانعان تاۋىقتارعا وزگە قۇس فابريكاسىنداعى تاۋىقتارعا قاراعاندا جاقسى جاعداي جاسالعانىن ايتتى.
«تاۋىقتار ۇلكەن البارلاردا ءومىر سۇرەدى. ولار كۇن سايىن ازىق پەن سۋسىن اپاراتىن بىلىكتىلىگى جوعارى مامانداردىڭ باقىلاۋىندا. ءبىر سوزبەن ايتقاندا, ولاردىڭ تىرشىلىگى جايما-شۋاق», دەيدى ول.
زەرتتەۋشىلەردىڭ ەسەپتەۋىنشە, كەدەرگىلەردەن ارىلىپ, تولىق پرەپاراتتى شىعارۋ 10-20 جىل ۋاقىت الادى.
سونىمەن قاتار ولار انتيبيوتيكتەردىڭ ورنىن الماستىراتىن, جانۋارلاردىڭ يممۋندىق جۇيەسىن جاقسارتاتىن ءدارى-دارمەك ويلاپ تابۋدى دا جوسپارلاپ وتىر. بۇل انتيبيوتيكتەرگە ءتوزىمدى ۆيرۋستاردىڭ كوبەيۋ ىقتيمالدىعىن تومەندەتەدى.
«مىسالى, ءبىز ءۇي جانۋارىنىڭ زاقىمدانعان باۋىرى مەن بۇيرەگىن قالپىنا كەلتىرۋگە ءدارى-دارمەك پايدالانا الامىز. بىراق, قازىر نارىقتاعى قولجەتىمدى دارىلەر ايتارلىقتاي قىمبات», دەيدى حەرون.
سالتانات شىءنادىل,
ەۇۋ ستۋدەنتى