الماتى وبلىسىنىڭ اقدالا اۋىلىندا مادەنيەت ءۇيى اشىلدى

اۋدان ورتالىعى باقاناستان 3 شاقىرىم قاشىقتىقتا ورنالاسقان بۇل اۋىلدا قىزۋ تىرلىكتىڭ كورىگى سۋىعان ەمەس. مال باسىن كوبەيتىپ, ەگىن القابىن ارتتىرىپ جاتقان ەل. اۋىلدا جاستار دا ءبىر قاۋىم. ولاردىڭ دەنى وسىنداعى «وگەس-اقدالا» فەرمەرلىك شارۋاشىلىعىندا ەڭبەك ەتەدى. ارينە, اۋىلدا جاستاردىڭ بوس ۋاقىتىن ءتيىمدى وتكىزۋىنە جاعداي جوق ەدى. مادەنيەت ءۇيىنىڭ ۇزاق جىل جوندەۋ كورمەي توزىپ كەتۋى رۋحاني, اعارتۋ شارالارىن تۇراقتى وتكىزۋگە كەدەرگى بولاتىن. ال بىلتىر وبلىس بيۋدجەتىنەن قارجى ءبولىنىپ, عيمارات كۇردەلى جوندەۋ جۇمىستارىنا جابىلعاندا جۇرتتان بۇرىن جاستار قۋاندى.

جاقىندا اقدالا اۋىلىنداعى مادەنيەت ءۇيىنىڭ كۇردەلى جوندەۋى تولىق اياقتالىپ, پايدالانۋعا بەرىلدى. ەندى زامانعا ساي جابدىقتالعان رۋحانيات وشاعىندا اۋىل جاستارىنىڭ كوڭىلىنەن شىعاتىن ءتۇرلى شارا وتكىزۋگە مۇمكىندىك تۋدى.

- اۋىل اجارىن كورىكتەندىرە تۇسكەن مادەنيەت ءۇيىنىڭ كۇردەلى جوندەۋ جۇمىستارى اياقتالىپ, حالىق يگىلىگىنە پايدالانۋعا بەرىلدى. كۇردەلى جوندەۋ جۇمىستارىن جەدەل جۇرگىزىپ, مەرزىمىنەن بۇرىن اياقتاعان «سەنىم قۇرىلىس سەرۆيس» سەرىتەستىگىنە راحمەت ايتامىز. ەندى مۇندا كوركەمونەرپازداردىڭ ونەرى ورىستەپ, جاستاردىڭ جاقسى باستامالارىنا قولداۋ جاسالادى, - دەيدى بالقاش اۋدانىنىڭ اكىمى عالىم توقپەيىسوۆ.

قالماحانبەت مۇقامەتقالي,

«Egemen Qazaqstan»

الماتى وبلىسى