بۇگىنگى تاڭدا ەل تۇرعىندارىن كوگىلدىر وتىنمەن قامتاماسىز ەتۋ دەڭگەيى 50 پروتسەنت دەڭگەيىندە. ياعني, 9 وبلىس گازبەن قامتىلعان. ەلدىڭ ورتالىق جانە سولتۇستىك ءوڭىرى ءالى دە تابيعي گازسىز وتىر.
– گاز تارتۋ جۇمىستارىنىڭ ءبىرىنشى كەزەڭىنە سايكەس ماگيسترالدى گاز قۇبىرى قاراوزەكتەن استاناعا دەيىن الداعى ەكى جىلدا تارتىلادى. باعدارلامانىڭ ەكىنشى كەزەڭىندە, ياعني, 5 جىلدا استانادان پەتروپاۆل قالاسىنا گاز قۇبىرىن تارتۋ كوزدەلىپ وتىر. ءبىزدىڭ كومپانيا وسى ايماقتى كوگىلدىر وتىنمەن قامتاماسىز ەتۋمەن اينالىسپاق. ماقسات ەسكى گاز قۇبىرلارىن جوندەپ, جاڭا گاز تاراتۋ جۇيەسىنىڭ قۇرىلىسىنىڭ جۇرگىزۋ. ينفراقۇرىلىمدى قالپىنا كەلتىرىپ, 5 جىل ىشىندە جۇزەگە اسىرامىز,– دەدى «كوكشەتاۋترانسگاز» سەرىكتەستىگىنىڭ قارجىلىق ديرەكتورى باتىر ءاشىروۆ.
«كوكشەتاۋترانسگاز» سەرىكتەستىگى گاز قۇبىرىن تارتۋ جۇمىستارىنا دايىندىقتى باستاپ كەتتى. تۇرعىندارعا ورتالىقتاندىرىلعان كوگىلدىر وتىندى ۇزدىكسىز جەتكىزۋ, ساپالى قىزمەت كورسەتۋ باستى ماقسات.
– ءبىز جىلىنا تۇرعىن ۇيلەردىڭ 80 پايىزىندا جوق گاز قۇبىرلارىنىڭ 15 پايىزىن قالپىنا كەلتىرەمىز. ءبىزدىڭ مىندەتىمىز ينفراقۇرىلىمدى تولىقتاي جاڭارتۋ. ەلباسىنىڭ باستاماسىمەن قولعا الىنعان جوبانى ياعني, گاز تارتۋ جۇمىستارىن وبلىس تۇرىعىندارى تابيعي گازدى قابىلداپ الۋعا تولىقتاي دايىن بولۋىمىز كەرەك, دەدى «كوكشەتاۋترانسگاز» سەرىكتەستىگىنىڭ شەبەرى ەرلان ساعىندىقوۆ.
اتالعان جوبانى, ياعني ماگيسترالدى گاز قۇبىرىن تارتۋ قۇرىلىسىن ىسكە اسىرۋ ءۇشىن ءتيىستى قاراجات كوزدەرىن تارتۋ جاعى دا قاراستىرىلۋدا. ەلباسىنىڭ 5 الەۋمەتتىك باستاماسىندا قويىلعان مىندەت جۇزەگە اسقاندا 2,7 ميلليون ادامدى گازبەن قامتاماسىز ەتۋ, شاعىن جانە ورتا بيزنەستىڭ جاڭا ءوندىرىسىن اشۋعا ۇلكەن مۇمكىندىك تۋماق.
بايقال ءبايادىل,
«Egemen Qazaqstan»
اقمولا وبلىسى