وتكەن جىلدىڭ قورىتىندىسى بويىنشا اقمولا وبلىسى قورعالجىن اۋدانى بيۋدجەتتىڭ شىعىس بولىگىن ورىنداۋ بويىنشا وبلىستا 3-ورىندى يەلەنىپ وتىر.
2018 جىلى نەگىزگى كاپيتالعا سالىنعان ينۆەستيتسيا كولەمى 2,5 ميلليارد تەڭگەنى قۇرادى. اۋداندا شاعىن جانە ورتا بيزنەس قارقىندى دامۋدا. وتكەن جىلى مەملەكەتتىك ءتۇرلى باعدارلامالاردىڭ اياسىندا 30 ادامعا جەكە كاسىبىن اشۋعا نەسيە بەرىلىپ, ناتيجەسىندە 290 جاڭا جۇمىس ورنى اشىلعان.
اۋداننىڭ اۋىل شارۋاشىلىعى سالاسى جىل ساناپ قارقىندى دامۋ ۇستىندە. وتكەن جىلدىڭ وزىندە سالاداعى جالپى ءونىم كولەمى 7,5 ميلليارد تەڭگەنى قۇراعان. اۋداندا مال شارۋاشىلىعىمەن اينالىساتىن تاۋار وندىرۋشىلەر مەن جەكە كاسىپكەرلەردىڭ سانى كوبەيىپ كەلەدى. قازىرگى تاڭدا 15 تاۋار ءوندىرۋشى مەن 90-عا جۋىق شارۋا قوجالىعى مەن جەكە كاسىپكەر بار.
– اۋداننىڭ ارتىقشىلىقتارىن ۇتىمدى پايدالانۋ كەرەك دەپ ويلايمىن. ياعني, اۋداندا وزەن-كول كوپ. نۇرا وزەنى بار دالانى باسىپ اعادى. سوندىقتان دا سۋارمالى ەگىس القابىن ۇلعايتۋعا مۇمكىندىك مول. تۇرعىندارعا كارتوپ, قىزىلشا, ءسابىز وسىرۋلەرىنە ابدەن ىڭعايلى. بۇگىنگى تاڭدا بۇل باعىتتا جوسپارلى جۇمىستار جۇرگىزىلۋدە. جايىلىم دا جەتكىلىكتى, مال باسىن كوبەيتىپ, قۇس شارۋاشىلىعىن دامىتۋعا ىزدەسەڭ تاپتىرمايتىن جەر, – دەيدى قورعالجىن اۋدانىنىڭ اكىمى باۋىرجان عايسا.
بايقال ءبايادىل,
«Egemen Qazaqstan»
قورعالجىن اۋدانى,
اقمولا وبلىسى