اقتوبە قالاسىندا توعىزقۇمالاقتان ەرلەر اراسىندا قازاقستان رەسپۋبليكاسىنىڭ كوماندالىق چەمپيوناتى ءوتىپ, قىزىلوردا وبلىسىنىڭ كومانداسى جالپىكوماندالىق ەسەپتە ءبىرىنشى ورىندى جەڭىپ الدى.
قۇرامىندا ەڭبەك سىڭىرگەن سپورت شەبەرى حاكىمجان ەلەۋسىنوۆ, سپورت شەبەرى بەكسۇلتان بوستاندىقوۆ بار كومانداداعى سپورت شەبەرىنە ۇمىتكەرلەر ەرمۇحامەد ءالايدار, راۋان ىبراي, اسىلبەك قارجاۋباەۆ, دامير احمەتوۆ قازاقستان رەسپۋبليكاسىنىڭ سپورت شەبەرى ءنورماتيۆىن ورىندادى.
ون ءۇش كوماندا قاتىسقان جارىستا شىمكەنت قالاسى ەكىنشى, پاۆلودار وبلىسى ءۇشىنشى ورىنداردى يەلەندى.
باقتيار تايجان,
«Egemen Qazaqstan»
قىزىلوردا وبلىسى