بىرنەشە كۇن بۇرىن الماتى وبلىسىنىڭ كوكسۋ اۋدانىنىڭ اۋماعىندا كولىك قاعىپ مەرت بولعان ادامنىڭ مۇردەسى تابىلدى ەدى. پوليتسيانىڭ دەرەگىنشە, وقيعا الماتى – وسكەمەن تاس جولىنىڭ 189-شاقىرىمدا بولعان.
تەكسەرۋ قايتىس بولعان ادامنىڭ دەنەسىن ەكى كولىكتىڭ تاپتاپ وتكەنىن انىقتاعاسىن, وبلىستىڭ جول-پاترۋلدىك پوليتسياسىنىڭ جەكە روتالارى جەدەل ىزدەستىرۋ جۇمىستارىنا كىرىستى. ناتيجە كوپ كۇتتىرمەدى. پوليتسيا جول بويىنداعى ادامدى قاعىپ, وقيعا ورنىنان قاشىپ كەتكەن «گەلەندۆاگەن» كولىگىن تاپتى. مۇنان كەيىن جول ۇستىندە قيمىلسىز جاتقان مۇردەنى ەكىنشى مارتە جانشىپ وتكەن «كاماز» جۇك كولىگى ەكەنى انىقتالىپ, جۇرگىزۋشى ۇستالدى.
قازىر ۇستالعان ەكى جۇرگىزۋشىگە قاتىستى تەرگەۋ باستالىپ, «قىلمىستىق كودەكستىڭ» 345 بابىنىڭ «ادام ولىمىنە سوقتىرعان جول ەرجەسىن بۇزۋ» تارماعى بويىنشا قىلمىستىق ءىس قوزعالدى.
قالماحانبەت مۇقامەتقالي,
«Egemen Qazaqstan»
الماتى وبلىسى