وزبەك گەولوگتارى ارال تەڭىزىنىڭ سۋى تارتىلعان بولىگىندە تۇششى سۋ بار ەكەنىن انىقتادى, - دەپ حابارلايدى ۋزا اگەنتتىگى.
تۇششى سۋ نۇكىستەن 400 شاقىرىم جەردە - قاراقالپاقستان استاناسىندا 260-280 مەتر تەرەڭدىكتە. باسىلىمنىڭ مالىمەتىنشە, تۇششى سۋدىڭ ەمدىك قاسيەتتەرى بار.
ارتەزيان قۇدىعىنىڭ اشىلۋ شاراسىنا وزبەكستاننىڭ بىرىنشى ۆيتسە-پرەمەرى اچيلباي راماتوۆ پەن وزبەكستاننىڭ باس پروكۋرورى وتابەك مۋرودوۆ قاتىستى. اۋدان اكىمشىلىگىنىڭ باسشىسى سايلاۋباي دانياروۆ تۇششى سۋدىڭ مال شارۋاشىلىعىن دامىتۋعا, سونداي-اق, اۋدانداعى ەكولوگيالىق جاعدايدى جاقسارتۋعا سەپتىگىن تيگىزەتىنىن ايتادى.
بيىل سول ماڭداعى اۋدانداردا وسىعان ۇقساس تاعى 40 بۇلاق كوزىن اشۋ جوسپارلانىپ وتىر. باسىلىمنىڭ مالىمەتىنشە, وزبەكستان وڭتۇستىك ارالدىڭ سۋى تارتىلعان قالعان جەرلەرىن زەرتتەۋگە ارنالعان باعدارلاما قابىلداعان. وندا كورسەتىلگەن شارالار 2021-2023 جىلدار ارالىعىندا جۇرگىزىلەدى.