پرەزيدەنت ءوز ءسوزىن ەڭ الدىمەن جاستارعا, ياعني بىزگە ارناي وتىرىپ تۇتاستاي مەملەكەتىمىزدىڭ الدىندا تۇرعان مىندەتتەرگە تەرەڭ تالداۋلار جاسادى ءارى الەمدىك دامۋ كوشىنەن قالىپ قويماۋدىڭ باستى فورمۋلاسىن ۇسىندى. مەنى نۇرسۇلتان نازارباەۆتىڭ جاستىق شاعىنداعى وي-سەزىمدەرىن جوعالتپاعانى, ءدال جاستارشا ويلانىپ-تولعانا الاتىنى ءتانتى قىلدى. ەلباسىنىڭ جاستارعا قاتىستى ماسەلەلەردى تەرەڭ تۇيسىنە بىلەتىنى تاڭعالدىرماي قويمايدى. ءبىز – قازاق ەلى تەرريتوريامىز ۇلكەن بولعانىمەن, حالقىمىز از مەملەكەتپىز. وسىنداي جاعدايدا جاس ادامداردىڭ ءوز ۋاقىتىندا وتباسىن قۇرىپ, نارەستەلى بولۋىنىڭ الەۋمەتتىك-دەموگرافيالىق باعىتتاعى ورنى ەرەكشە. ەلباسىنىڭ وسى ماسەلەگە قاتىستى پىكىرلەرى دە زامانداستارىمىزعا وي سالعانى انىق.
ەرىكتى بولۋ – اردىڭ, جۇرەكتىڭ ءىسى عوي. بۇل ءۇشىن ولار بىرەۋدەن اقى دامەتپەيدى. ايتسە دە مەملەكەت باسشىسى ءوز تاراپىنان ولارعا قولداۋ مەن ىنتالاندىرۋ شارالارى قاجەت ەكەنىن ايتقانى ەلىمىزدە ەرىكتىلەر قوزعالىسىنىڭ ودان ءارى دامۋىنا سەپتىگىن تيگىزەدى دەگەن ويدامىن.
ولگا تسەسكو,
م.وسپانوۆ اتىنداعى باتىس قازاقستان مەملەكەتتىك مەديتسينا ۋنيۆەرسيتەتىنىڭ الەۋمەتتانۋشى مامانى
اقتوبە