23 قاڭتارداعى جاعدايعا سايكەس ەلورداداعى قاتتى وتىننىڭ جالپى قورى 15 994,89 توننانى قۇرايدى. بۇل تۋرالى استانا قالاسى اكىمدىگىنىڭ ءباسپاسوز قىزمەتى حابارلادى.
23 قاڭتاردا ەلورداعا 1 890 توننا كومىر اكەلىنگەن. ونىڭ 1 610 تونناسى – «شۇباركول», 280 تونناسى – «قاراجىرا». ال كومىر باعاسى تومەندەگىدەي: «شۇباركول» تونناسى – 11300 تەڭگە, «قاراجىرا» تونناسى – 13 200 تەڭگە, «مايكوبە» تونناسى – 12 000 تەڭگە, «بوگاتىر كومىرى» تونناسى – 9000 تەڭگە, «كۋزنەتسكي» تونناسى – 12 250 تەڭگە. استانا قالاسىنىڭ وتىن-ەنەرگەتيكالىق كەشەنى جانە كوممۋنالدىق شارۋاشىلىق باسقارماسى باعا ءوسىمىنىڭ الدىن الۋ ءۇشىن كومىر ساتۋشىلارمەن مەموراندۋمدارعا قول قويدى. 2018 جىلدىڭ 1 تامىزىنان 3 قاڭتارعا دەيىن كومىردىڭ 339,5 مىڭ تونناسى ساتىلدى. بۇگىنگى تاڭدا كومىر نارىعىندا جاعداي قالىپتى, پروبلەمالىق ماسەلەلەر جوق. استانا قالاسى اكىمدىگى كومىر نارىعىنداعى جاعدايدى كۇن سايىن مونيتورينگتەن وتكىزىپ, ءوزىنىڭ تۇراقتى باقىلاۋىنا العان. «I-Kومەك 109» نەگىزىندە تۇرعىندارعا ارنالعان جەدەل جەلى جۇمىس ىستەيدى.