قىزىلوردادا نەسيەگە العان قارجىسىنا مەملەكەتتىك كىرىس ورگانىنىڭ ارتىق سالىق سالعانىنا نازالانعان كاسىپكەر سىبايلاس جەمقورلىققا قارسى سۇيەمەلدەۋ فرونت-وفيسىنە شاعىمداندى.
كاسىپكەر بەكەر كۇدىكتەنبەگەن ەكەن. «اۋىل شارۋاشىلىعىن قارجىلاي قولداۋ» قورىنان 16 باس جىلقى ساتىپ الۋ ءۇشىن العان نەسيەسىنە سالىق ورگاندارى تاراپىنان سالىقتىق تولەم ەسەپتەلگەن ەكەن.
- جەكە كاسىپكەردىڭ ءوتىنىشى بويىنشا زەرتتەۋ جۇمىستارى جۇرگىزىلدى. ناتيجەسىندە كاسىپكەردىڭ العان نەسيەسىنە سالىق تولەمدەرىنىڭ زاڭسىز جانە نەگىزسىز ەسەپتەلگەنى بەلگىلى بولدى. انىقتالعان ءمان-جاي بويىنشا وبلىستىق مەملەكەتتىك كىرىستەر دەپارتامەنتىنە ۇسىنىس جولدانىپ, كاسىپكەرگە قاتىستى ەسەپتەلىنگەن سالىق تولەمدەرى جويىلدى. جۇمىس بارىسىندا ورەسكەل كەمشىلىكتەرگە جول بەرگەنى ءۇشىن سالىق ورگاندارىنىڭ قىزمەتكەرى سوگىس تۇرىندەگى تارتىپتىك جاۋاپقا تارتىلعان, - دەدى قىزىلوردا وبلىستىق مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل دەپارتامەنتىنىڭ باسقارما باسشىسى باعدات ىزكەنوۆ.
مەملەكەتتىك كىرىس دەپارتامەنتى قىزمەتكەرىنىڭ بۇل ىسىنەن قىلمىستىق ءىزىن ىزدەۋ, ارينە, دۇرىس ەمەس. ولار مەملەكەت قازىناسىن تولتىرۋ ماقساتىندا سالىق تولەۋشىلەردىڭ جۇمىسىن باقىلاۋعا الىپ وتىرادى. ۋاقىتىندا سالىق تولەمەيتىندەر وتە كوپ. ال, قازىناعا قارجى كەرەك. بىراق بۇل جولى ارتىق سىلتەپ قويعان سياقتى.
باقتيار تايجان,
«Egemen Qazaqstan»
قىزىلوردا وبلىسى