ەلىمىزدىڭ تانىمال اۋىر اتلەتى نادەجدا نوگاي بىرەر جىلعا ۇلكەن سپورتتان شەتتەتىلۋى مۇمكىن. قازىرگى كەزدە وعان «دوپينگ قولداندى» دەگەن ايىپ تاعىلىپ وتىر.
داڭقتى ۇشتوبە اۋىر اتلەتيكا مەكتەبىنىڭ وكىلى ايگىلى باپكەر لازار دوننىڭ قول استىندا جاتتىعىپ, وسى سپورت ءتۇرىنىڭ قىر-سىرىنا قانىقتى. كەيىننەن شىمكەنتتە اۋىسىپ, يۋري مەلنيكوۆتان ءتالىم-تاربيە الدى. اسا اۋىر سالماقتا ونەر كورسەتكەن نادەجدا نوگاي جاسوسپىرىمدەر مەن جاستار بۋىنى اراسىنداعى جارىستاردا جاسىنداي جارقىراپ, بەس رەت الەم بىرىنشىلىگىنىڭ جەڭىمپازى اتاندى. قۇرلىقتىق دودالاردا دا سان مارتە دارالاندى. سول باسەكەلەردە ول ءوزىنىڭ باستى قارسىلاستارىنان 30-40 كەلىدەن ارتىق سالماقتى ەڭسەرىپ, تورتكۇل دۇنيە جانكۇيەرلەرىن تامساندىردى. ايەلدەر اراسىنداعى سايىستاردا دا نوگاي ءوزىن جاقسى قىرىنان كورسەتىپ, ەلشىلىك جانە حالىقارالىق تۋرنيرلەردە توپ جارىپ ءجۇردى.
ەگەر «دوپينگ قولداندى» دەگەن كۇدىك راستالاتىن بولسا, وندا نادەجدا نوگايعا 2020 جىلى توكيودا الاۋى تۇتاناتىن وليمپيا ويىندارىنا قاتىسسام دەگەن ءوزىنىڭ ۇكىلى ۇمىتىمەن قوش ايتىسۋعا تۋرا كەلەدى.
عالىم سۇلەيمەن,
«Egemen Qazaqstan»