26 قاڭتاردا شۆەتسيادا دوپتى حوككەيدەن الەم چەمپيوناتى باستالادى. 2 اقپانعا دەيىن سوزىلاتىن جارىستا قازاقستان قۇراماسى مىقتىلار توبىندا ونەر كورسەتەدى.
1951 جىلدان بەرى ايتۋلى جارىستىڭ جالاۋى 38 مارتە جەلبىرەدى. سول ارالىقتا قازاقستاننىڭ بەنديشىلەرى التى رەت (2003, 2005, 2012, 2013, 2014, 2015 جىلدارى) قولا مەدالدى يەلەندى. الايدا سوڭعى ءۇش دودادان قورجىنىمىز بوس قايتقان ەدى. اتاپ ايتساق, 2006 جىلى ءۇشىنشى ورىن ءۇشىن تارتىستا الەمنىڭ 12 دۇركىن چەمپيونى دەگەن اتاعى بار شۆەتسياعا ەسە جىبەرسەك, 2017 جانە 2018 جىلدارى وسى تۋرنيردەگى سىرالعى قارسىلاسىمىز فينلياندياعا جول بەردىك. بۇل جولى ءبىزدىڭ جىگىتتەر قالاي دا قولا جۇلدەنى يەلەنۋدىڭ كوزدەۋدە.
ءوزىنىڭ تۇساۋكەسەر كەزدەسۋىن جەرلەستەرىمىز 26 قاڭتاردا فيندەرگە قارسى وتكىزەدى. اراعا ەكى كۇننەن سالىپ, شۆەتسيا جانە رەسەي قۇرامالارىمەن شەبەرلىك بايقاسامىز. ال جۇلدەلى ورىندار ءۇشىن باسەكەلەر 31 قاڭتار مەن 2 اقپان ارالىعىندا وتەدى.
عالىم سۇلەيمەن,
«Egemen Qazaqstan»