ەلباسىمىز نۇرسۇلتان نازارباەۆتىڭ تاعىلىمدىق ماقالاسى ءاربىر ۇلتجاندى قازاقتىڭ كەۋدەسىندە ماقتانىش سەزىمىن ۇيالاتىپ, رۋحىن اسقاقتاتا تۇسەرى انىق. بۇل بۇعان دەيىنگى جۇزەگە اسىرىلىپ جاتقان «بولاشاققا باعدار: رۋحاني جاڭعىرۋ» باعدارلامالىق ماقالاسىن مازمۇندىق جاعىنان بايىتىپ, اۋقىمىن كەڭەيتۋگە زور ىقپال ەتپەك. ماقالاداعى باعدارلى جەتى تاقىرىپ اتاۋلارىنىڭ وزىنەن-اق ءار وقىرماننىڭ سانا بيىگىندە ۇلى دالانىڭ جەتى كەرەمەتى دەگەن ايشىقتى وي دا جەتى جۇلدىزداي جانا كەتەدى دەسەم, ارتىق ايتقاندىق بولماس. ءبىز بۇرىن كىم ەدىك, بولاشاقتا قانداي بولۋىمىز كەرەك دەگەن سۇراققا تولىق جاۋاپ بولارلىق نەگىز بار بۇل ماقالادا.
باتىستىڭ ميفتىك جادىندا كەنتاۆر بەينەسىندە جاتتالعان بابالارىمىزدىڭ جىلقىنىڭ جالىندا تانىلعان باتىرلىق تۇرپاتى تاۋەلسىزدىگىمىزدىڭ ارقاسىندا الەمدىك دەڭگەيدە دارىپتەلەتىن مۇمكىنشىلىككە قول جەتكىزبەك. ەجەلگى وركەنيەتتىڭ جەتىستىگى سانالاتىن تەمىردىڭ سىرىن تاپقان دا, التىنمەن اپتالعان سالتاناتتى مادەنيەتىمەن ادامزاتتى تاڭعالدىرعان دا تۇركى الەمىنىڭ بەسىگى بولعان, ۇلى جىبەك جولى ارقىلى باتىس پەن شىعىستى جالعاستىرعان, الما مەن قىزعالداقتىڭ وتانى قازاقستان ەكەنىن ۇرپاققا ۇلىعات ەتكەن ەلباسىمىز كوك تۋدىڭ قۇدىرەتى مەن قاسيەتىن ۇقتىردى.
ءبىز – وسىنداي تاريحى بار, وسىنداي اماناتى بار حالىقپىز. ءوزىمىزدى ءوزىمىز تانىپ ءبىلىپ, دۇنيەجۇزىنە ۇلى قۇندىلىقتارىمىزدى تانىتۋعا ءتيىسپىز. ۇلى دالانىڭ ەلباسى اتاعان جەتى قىرىن زەرتتەپ, زەردەلەۋ ارقىلى قازاق ءتىلىنىڭ شەكسىز بايلىعىنىڭ قايدان شىققانىنا دا كوز جەتكىزەمىز.
قۇدايبەردى مىرزابەك,
اقىن
كوكشەتاۋ