پارلامەنت ماجىلىسىنىڭ دەپۋتتارى- الەۋمەتتىك-مادەني دامۋ كوميتەتىنىڭ مۇشەلەرى تۇركىستان وبلىسىنا جاساعان ساپارى بارىسىندا قوجا احمەت ياساۋي كەسەنەسىنە زيارات ەتىپ, ورتاعاسىرداعى تاريحي-مادەني مۇرا وبەكتىلەرىنىڭ تاريحي كەلبەتىن انىقتاۋعا جانە قالپىنا كەلتىرۋگە ارنالعان جوبالارمەن جانە تۇركىستان قالاسى اۋماعىنداعى ەڭ كونە قونىستاردىڭ ءبىرى كۇلتوبە قالاشىعىمەن تانىستى.
ەلباسى ن.ءا.نازارباەۆتىڭ «تسيفرلى قازاقستان» جوباسى نەگىزىندە قورىق-مۋزەيگە قاراستى قوجا احمەت ياساۋي كەسەنەسى مەن قىلۋەت جەراستى مەشىتى, شىعىس مونشاسى, گاۋحار انا, ۋكاشا اتا كەسەنەسى مەن قۇدىعى, ساۋران قالاشىعى سىندى تاريحي ورىنداردىڭ 3D تۋر نۇسقاسى دايىندالىپ, حالىقارالىق كورمەلەردە العاش رەت كورسەتىلىپ, كوزىلدىرىك ارقىلى تانىستىرىلعان بولاتىن. سونداي-اق, قوجا احمەت ياساۋي كەسەنەسىندە جەرلەنگەن قازاقتىڭ حان-سۇلتاندارى مەن بي-ابىزدارى,باتىرلارى مەن يگى جاقسىلارى ءتىزىمى تسيفرلى فورماتتا ازىرلەنىپ, تۇلعالار جايىندا قىسقاشا مالىمەت تە ءۇش تىلدە جازىلعان.
ق.ا.ياساۋي, ەسىم حان, رابيا سۇلتانبەگىم كەسەنەلەرى مەن جۇما مەشىتى مۋزەيى, قىلۋەت جەراستى مەشىتى مۋزەيى, شىعىس مونشاسى مۋزەيلەرىنە تسيفرلاندىرۋ بويىنشا شتريح كود جاسالىنعان. اتالعان جۇمىستارمەن تانىسقان حالىق قالاۋلىلارى قورىق-مۋزەي قورىندا ءامىر تەمىر داۋىرىنەن ساقتالعان قاسيەتتى تايقازان, لاۋھا (تۋدىڭ ۇشى), شىراعداندار, ەسىكتەر, ق.ا.ءياساۋيدىڭ «ديۋاني حيكمەت» كىتابىنىڭ قولجازبالارى مەن كورمەنى دە تاماشالادى.
مەملەكەت باسشىسى ن.ءا.نازارباەۆتىڭ « ۇلى دالانىڭ جەتى قىرى» باعدارلامالىق ماقالاسى مەن قالانى تۇركى دۇنيەسىنىڭ رۋحاني استاناسى رەتىندە تانىتۋ جانە تاريحي ورىنداردىڭ ءتول كەلبەتىن ساقتاي وتىرىپ, جانداندىرۋ ماقساتىندا قر مادەنيەت جانە سپورت مينيسترلىگى تۇركىستان قالاسىنداعى 88,7 گەكتار اۋماقتا ورنالاسقان «حان مەشىتى», «حان ورداسى» جانە كۇلتوبە قالاشىعى مەن «جەتى اتا», «داربازا», ء«مۇساللا», «تاكيا» قاقپالارى تولىعىمەن قالپىنا كەلتىرىلىپ, تۋريستىك باعىتقا قوسىلماق.
بيىل قوجا احمەت ياساۋي كەسەنەسى ماڭىن اباتتاندىرۋ جۇمىستارى قولعا الىنادى. قالا قورعاندارىنىڭ ورىندارىنا ارحەولوگيالىق قازبا جۇمىستارى جۇرگىزىلىپ, قايتا قالپىنا كەلتىرۋ جۇمىستارى كەزەڭ-كەزەڭىمەن جۇزەگە اسىرۋ كوزدەلۋدە. ورتاعاسىرلىق ماگيسترالدىق كوشەلەرگە دە قازبا جۇمىستارى جۇرگىزىلىپ, ساۋدا-ساتتىق ورىندارى تۋريستەرگە قىزمەت كورسەتەتىن بولادى.
سونىمەن قاتار, مەملەكەت باسشىسىنىڭ تۇركىستان قالاسىنا كەلگەن رەسمي ساپارىنداعى ارنايى تاپسىرماسىنا سايكەس, كەسەنە ىشىندەگى بىرنەشە جىلدان بەرى پايدالانۋسىز تۇرعان قۇدىق ىسكە قوسىلعان.
ساپار قازاقستان رەسپۋبليكاسى پارلامەنتى ءماجىلىسى الەۋمەتتىك – مادەني دامۋ كوميتەتىنىڭ «تاريحي-مادەني مۇرانى قورعاۋ مەن كەڭىنەن تانىتۋدى زاڭنامالىق تۇرعىدان قامتاماسىز ەتۋ» دەگەن تاقىرىپتا كوشپەلى وتىرىسىنا ۇلاستى.