ماڭعىستاۋدا جاس كاسىپكەرلەردى قولداۋ ءارى جۇمىستارىن دامىتۋ ماقساتىندا وڭىرلىك كاسىپكەرلەر پالاتاسى تاراپىنان بىرقاتار ءىس-شارالار وتقارىلىپ جاتىر. 2018 جىلى 13 جاس كاسىپكەر جالپى سوماسى 6 ملن 600 مىڭ تەڭگەنى قۇرايتىن 4 پايىزدىق نەسيە الىپ, ءىسىن وركەندەتكەن. ال, 6% نەسيەمەن اۋىل شارۋاشىلىعىن دامىتۋ جوبالارى ءۇشىن 52 جاس ىسكەرگە 220 ملن 438 مىڭ تەڭگە كولەمىندە قاراجات ءبولىندى. وسى باعىتتا جاس كاسىپكەرلەر مال شارۋاشىلىعى مەن جىلىجاي باپتاۋعا ەلەۋلى ۇلەس قوسۋدا.
بۇگىنگى تاڭدا «نۇر كاپيتال» وڭىرلىك باعدارلاماسى بويىنشا 1847 جاڭا جۇمىس ورنىن قۇرۋمەن 3,4 ملرد.تەڭگە سوماسىنا 193 جوبا ماقۇلداندى. ونىڭ ىشىندە ناقتى 42 جوبا ىسكە قوسىلىپ, ناتيجەسىندە 390 جاڭا جۇمىس ورنى قۇرىلدى. (جالپى كرەديت سومماسى 818,9 ملن. تەڭگە). 193 جوبانى ۇسىنعان ازاماتتاردىڭ ىشىندە 30-عا جۋىعى جاستار.
ايماق باسشىسىمەن كەزدەسۋدە 40-قا جۋىق كاسىپكەر مۇشە وڭىرلىك كاسىپكەرلەر كلۋبى تۋرالى ايتىلدى. كلۋبتىڭ باستى ماقساتى - كاسىپكەرلىكتى دامىتۋ جانە كاسىپكەرلەردىڭ جەكە دارا قالىپتاسۋىنا جول اشۋ, تاجىريبە الماسۋ جانە كوممۋنيكاتسيالار الماسۋ الاڭىن قالىپتاستىرۋ دەدى. «ACS» جشس كوممەرتسيالىق ديرەكتورى سۇگىرباي ايات - كومپانيا 2005 جىلدان بەرى وبلىستا قۇرىلىس سالاسىمەن اينالىسىپ جاتقانى جايىندا جانە بۇگىندە 27 ادامدى تۇراقتى جۇمىسپەن قامتاماسىز ەتىپ وتىرعانىن ايتتى. كيم الەنا يۋرەۆنا- «Childrens club» بالالاردى دامىتۋ ورتالىعىنىڭ ديرەكتورى. ول - اقتاۋ مەن جاڭاوزەن قالالارىندا ورتالىقتارىن اشىپ, قازىر 600-دەن استام بالانىڭ ءبىلىمىن دامىتۋعا, شىعارماشىلىعىن شىڭداپ, مەكتەپكە دايارلاۋعا ات سالىسۋدا. 2016 جىلى اشىلعان كاسىپتىڭ ارقاسىندا 25 ادامدى جۇمىسپەن قامتاسىز ەتىپ كەلەدى. قايىرىمدىلىق رەتىندە ايىنا 5 مۇگەدەك بالانى دامىتۋعا قولداۋ كورسەتەدى.
الداعى ۋاقىتتا كاسىپكەرلەر پالاتاسىنىڭ مۇرىندىق بولۋىمەن تىڭ جوبالار, ەرەكشە يدەيالاردىڭ جۇزەگە اسۋى نازاردا, دەيدى ماڭعىستاۋ وبلىسى كاسىپكەرلەر پالاتاسىنىڭ باسشىلىعى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى